Ornymyz medrese oqyp jatqan,
Talaılar oqý oqyp óner tapqan.
«Az-kóp» dep, bergenińdi molda sóz ǵyp,
Áýelden resim joq ǵylym satqan.
Óner ǵoı oqý degen tańdaı atqan,
Oqý bilseń oryndy bolar maqtan.
Bilimge qarsy turar qandaı kúsh bar,
Bas ıer talaı myrza keýde qaqqan.
Taýsylmas ǵylym teńiz shalqyp jatqan,
Sońynan qalmas onyń dámin tatqan.
Ómir boıy oqysań bir taýsylmaı,
Qıyndyǵy qınaıdy janǵa batqan.
Shynynda, ǵylym artyq mal men baqtan,
Ǵylym bolsa qara sý tasyp aqqan.
«Oqý oqyp ne kerek, mal tappaı» dep
Qazaqtyń aıtqan sózi nadandyqtan.
Molda kóp, molda degen atyn satqan,
Basalmaı, ótirik soqqan sharıǵattan.
Ózi hat bilmese de «oqýy» kóp,
Bas aınalǵan, myljyńnan dińkeń qatqan.

---