InfoHub Logo

Astana qalasy
№ 64 mektep - lıseıi
Bastaýysh synyp muǵalimi
Arystanova Qarlyǵash Aqylbekqyzy

1 synyp
Sabaqtyń taqyryby: Ósimdikterdiń kóbeıýi
Sabaqtyń maqsaty:
Bilimdilik: Oqýshylarǵa ósimdikter dúnıesiniń qupıasy men qyzyǵy mol ekenin jetkize otyryp, saıys túrinde kóbeıý joldarymen tanystyrý;
• Ósimdikter tirshiliginiń ózgerisimen tanystyrý;
• Ósimdikterdiń tiri tabıǵat ekenin dáleldeý,
Damytýshylyq: aǵashtar, butalar jáne shópterdiń aıyrmashylyqtary týraly bilimderin tıanaqtaý;
Tárbıelik: Ósimdikterdi qorǵaýǵa, baptaýǵa úırete otyryp, ekologıalyq tárbıe berý
• Ózdiginen izdenýge, uıymshyldyqqa, meıirimdilikke, qamqorlyqqa tárbıeleý,
• Sabaqtyń jabdyǵy: sýretter, toptyq tapsyrmalar, karta.
Tıpi: aralas sabaq
Túri: Jańa sabaq
Ádis - tásilderi: Túsindirý, baıandaý, suraq - jaýap, oqýlyq, baqylaý kúndeligimen jumys, asosıasıa ádisi.
Pánaralyq baılanys: ana tili

Sabaqtyń barysy:
Uıymdastyrý kezeńi: Oqýshylardyń nazaryn sabaqqa aýdarý.
Ótken sabaqty pysyqtaý:
- Balalar, bizdiń elimiz óz táýelsizdigin alǵanyna 20 jyl tolyp otyr, Osyǵan oraı kóptegen jumystar jasalyp, elimiz qol jetkizgen jetistikterin maqtanysh etip otyr, Endi osy iske biz de óz úlesimizdi qosýymyz kerek. Al, ony qalaı jasaımyz?
- Bilimimizben qosamyz!
- Árıne, sondyqtan da biz toptarǵa bólinip tapsyrmalar oryndaýǵa daıarlanyp otyrmyz!
- Synypta bes top uıymdastyryldy. Olar: qyzyldar, sarylar, jasyldar, kókter, kúlginder dep atalady.
Olardyń aldarynda top atyna sáıkes gúlder bar, Al, taqtada durys jaýap bergen sátte, óz gúlin alyp, Qazaqstannyń jerin gúldendirýge ruqsat alady. Sabaqtyń sońynda osy iske kim óz úlesin kóp qosqandyǵy anyqtalyp, jeńimpazdar atanady.

- Búgingi sabaǵymyzdyń taqyryby: « Ósimdikterdiń kóbeıýi» dep atalady. Osy taqyrypqa kóshpes buryn aldymen, aýa raıy, jyl mezgili jaıly áńgimelesip alaıyq!
Bulttar tónip,
Jerge shógip,
Dymqyl tuman basady.
Shóp sarǵaıyp, Óńi taıyp,
Dala sury qashady.
Boı jaza almaı,
Oınaı almaı. Deneń muzdap tońady.
Jerde syz,
Ózenge qatty muz
Qaı jyl mezgili, qazir?
Kúz!!!
- Kúzdiń qaı aıy?
- Qarasha aıy.
- Kúz aılaryn atańdarshy?
- Qyrkúıek, qazan, qarasha.
- Búgin aýa - raıy qandaı?
- Myna shartty belgilerdi tanımyz ba?
- Endi ótken taqyrypty eske túsireıik!

Balalarǵa toptyq tapsyrmalar beriledi.
Qyzyldar toby: Tiri jáne óli tabıǵat zattaryn ajyratyp japsyryp berý.
Jasyldar toby: Ósimdik toptaryn ajyratyp japsyryp berý.
Sarylar toby: Ósimdik músheleriniń ataýlaryn óz ornyna japsyryp berý.
Kókter toby: Baqshanyń dostary men zıankesterin ajyratyp berý.
Kúlginder toby: Jemis, jıdek, kókónisterdi ajyratyp japsyryp berý.
Oqýshylar jumys barysynda mýzyka tyńdap otyryp oryndaıdy. Sońynda óz jumystaryn qorǵap aıtyp beredi. Olar Qazaqstannyń jerin gúldendiredi.

Sergitý sáti:
Appaq bolyp tań atyp,
Tútin tike shyǵady,
Qarlyǵashtar qanatyn,
Samǵap bıik ushady.
Qoıýlanyp qara bult.
Jańbyr jaýdy sebelep.
Japyraqtyń astyna,
Tyǵylyp qaldy kóbelek.
- Balalar, osy jattyǵý kezinde biz qandaı tabıǵat qubylystarymen kezdestik?
- Jel soqty, kún shyqty, jańbyr jaýdy.
- Al, endeshe búgingi taqyrypqa kósheıik! Osydan birneshe kún buryn, bizdiń synyptyń oqýshylaryna zertteý jumystary tapsyrylǵan bolatyn. Sol jumystardyń nátıjesin tyńdaıyq!
1)
2)
3)

Osydan qandaı qortyndy shyǵaramyz! Ósimdikterdiń bári óskinnen, tamyrdan ósedi.
- Balalar, Bizdiń mekteptiń ishinde gúl kóppe? Sol gúlderdi kim ósirip baptaıdy? Kim kúnde eńbektenedi? Árıne Bıbisara apaı! Búgin Bıbisara apaı bizde qonaqta! Apaı ósimdikterdi qalaı kóbeıtedi? Sony tyńdap kóreıik!

Ósimdiktiń taǵy bir kóbeıý jolymen tanysaıyq!
Ertegi:
Dalada gúl ósip tur edi. Ol jazdaı ádemi bolyp, jaıqalyp ósti. Kúz keldi. Ósimdikter sarǵaıyp, qýrady. Qatty jel turdy. Gúldiń qýraǵan basy jerge salbyrady. Sol kezde odan birneshe tuqym jerge shashyldy. Tuqymdar topyraqpen aralasyp, jatty. Qysta ony qar basty. Kóktemde qar erip. Jer jylynǵansha tuqym ónip odan óskin shyqty. Qaıtadan jańa gúl ósti.
Oqýlyqpen jumys:
Endi oqýlyqqa qarap kóreıik! Mátinmen tanystyrý

Jumys dápterimen jumys:
Endi dáptermen jumys. Sýretterdi sáıkestendirý.

Sabaqty qorytý:
- Iaǵnı, ósimdik tuqymnan, tamyrdan, qalemsheden kóbeıedi eken.
Endi Qazaqstannyń kartasyna nazar aýdaraıyqshy. Ol qandaı boldy? Ádemi, gúldi, ásem!!! Al qaı top óz úlesin kóbirek qosty eken! Gúlderdi sanaıyqshy!
- Búgin qandaı tapsyrmalar oryndadyq?
- Qaı tapsyrma qyzyqty boldy?
Úı tapsyrma: 54 - 55 bet. Oqý. Mazmundaý.
Baǵalaý:
Sabaqtyń sońynda jeńimpaz top anyqtalady.