InfoHub Logo

Óz eliniń patrıoty bolý úshin ár adamnyń boıynda bolý kerek:
Otanǵa degen súıispenshilik;
Otanǵa degen adal sezim;
Otanyn qorǵaýǵa daıyn bolý; Men óz elimniń patrıotymyn!
Óz Otanynyń patrıoty bolý – bul Qazaqstandy óz júreginde uıalatý.
Sabaqtyń maqsaty: 1. Otandy súıýge, týǵan jerine, eline degen súıispenshiligin arttyrýǵa, halqymyzdyń salt - dástúrin saqtap, ári qaraı jalǵastyrýǵa, bolashaqta Otanymyz Qazaqstandy órkendetýge bilimdi adam kerek ekenin túsindirý, oqýshylardyń sóıleý mádenıetin, tilderin damytý.
2. Oqýshylardy ultjandylyqqa, ınabattylyqqa, dostyqqa, adamgershilikke tárbıeleý.
Sabaqtyń túri: pikirtalas
Sabaqtyń kórnekiligi: ınterbelsendi taqtadan oqýshylardyń boıynda patrıottyq sezimdi oıatatyn ár túrli slaıdtar, memleket rámizderin kórsetý.

Sabaqtyń barysy.
İ. Uıymdastyrý kezeńi.
İİ. Interbelsendi taqtadan oqýshylardyń boıynda patrıottyq sezimdi oıatatyn ár túrli slaıdtar, memleket rámizderin kórsetý.
İİİ. Negizgi bólim.
Patrıot degen kim, patrıottyq sezimdi qalaı túsinesiń? – taqyrybynda pikir saıys
İ - júrgizýshi:
«Oı da ortaq, pikir de ortaq» degendeı sizderdiń nazarlaryńyzǵa « Men óz elimniń patrıotymyn» atty tárbıe saǵatyn nazarlaryńyzǵa usynamyz.
İİ - júrgizýshi:
Bizdiń alǵa qoıǵan maqsatymyz, ótkenimizdi biletin, búgindi túsinetin, erteńge senimmen qaraıtyn azamat bolyp ósý.
İ - júrgizýshi:
Endi sizderdi eki toppen, top jetekshilerimen tanystyryp óteıik.
İ - top - Ushqyn. «Ushqynnan jalyn laýlaıdy». Top jetekshisi Taılaqbaev Alı.
İİ - júrgizýshi:
İİ - top – Jalyn. «Men janbasam jalyn bop, sen janbasań jalyn bop, kim janady jalyndap». Top jetekshisi Baqbergen Temirlan.
İ - júrgizýshi:
Qaı kezde bolmasyn halyq ıgiligi úshin eńbek etken aǵartýshylardyń, aqyn - jyraýlardyń barlyǵynyń maqsat - múddesi qazaq halqyn tek birlikke, yntymaqqa shaqyrý, eshkimmen jaýlaspaýdy úıretý, kóshpendi eldiń balasyna ǵylym - bilim, ónerdi úıretýdi armandady. Osy týraly oılaryńyz?
İ – top
Meıirqanova Aıdana: Ulttyq birlikke, Otanyn, elin, jerin súıýge, ulttyq táýelsiz memleketti nyǵaıtýǵa óz úlesin qosýǵa tárbıeleýde kórkem shyǵarmanyń mańyzy zor. Kórkem shyǵarmalarda otansúıgishtik sezimdi ardaqtap, batyrlyq, erlikti madaqtaǵan, aqyldylyq, parasattylyq, dostyq tárizdi adamgershilik ıgi qasıetter dáriptelgen. Bul taqyrypta áńgime, ertegi, óleń, jyrlar týǵanyn, olarda halyqtyń batyrlyq, erlik isterdi dáriptegenin jáne ony jasaýshylardy ardaqtaǵanyn bilýge bolady.
İİ – top
Sýanbaı Mádına: Otanǵa degen súıispenshilik, ultyna degen ystyq sezimdi Alashorda qaıratkerleri A. Baıtursynov, M. Dýlatov, M. Jumabaev, S. Toraıǵyrov, T. Rysqulov, Á. Bókeıhanov, M. Shoqaı eńbekterinen de kezdestiremiz.
A. Baıtursynov:
- Qazaǵym elim!
Qaıqaıyp beliń,
Synýǵa tur taıanyp.
Talaýda malyń,
Qamaýda janyń
Ash kózińdi oıanyp...- dese,
M. Dýlatov:
«Kózińdi ash, oıan, qazaq, kóter basty» - deıdi.
Al S. Toraıǵyrov:
Qarańǵy qazaq kógine
Órmelep shyǵyp kún bolam,
Qarańǵylyqtyń kegine,
Kún bolmaǵanda kim bolam? – dep, jastardy óner - bilim alyp, jaryqqa talpyný, Otanǵa paıdaly azamat bolý ekendigin san qaıtalap eske salady. Alashtyń osy - birtýar uldarynyń buratana halyq bolmaımyz, óz aldymyzǵa táýelsiz el bolamyz dep qazaq eli, qazaq jastaryna qaldyrǵan ósıetteri óz ıesine endi - endi ǵana jetip jatyr.
İ – top Baqbergen Temirlan: A. Qunanbaevtyń eńbekterin zerdelep qaraıtyn bolsaq, jastardy erlik rýhta, patrıotızmge baýlyp, namysyn, ar - ojdanyn, adamgershilik qasıetterin týdyratyn jyr joldaryn kezdestiremiz. Onyń
«Adamzattyń bárin súı baýyrym dep» degen sózi, barsha jurtshylyqty jaýlasý, kúsh kórsetý degendi bilmesten, tek tatý - tátti ómir súrýge shaqyrady.
İİ - júrgizýshi:
Jalpy patrıot degen kim, patrıotızm degendi qalaı túsinemiz?
İ - top Táńirbergenova Madına: Otanyn súıgen, elin jaýdan qorǵaý úshin qasyq qany qalǵansha aıanbaı shaıqasatyn Qobylandy, Qambar, Er Tarǵyn, Alpamys batyr tulǵalary, aqyn - jyraýlardyń, bılerdiń tatýlyqqa, adamgershilikke, elin súıýge shaqyrǵan óleń - jyrlary, sheshendik sózderi oqýshylardyń boıynda patrıottyq sezimdi qalyptastyrýda mańyzy zor.
İİ - top Kadırova Azıza: Patrıot – Otanyn, halqyn, jeri men sýyn shynaıy súıetin, halyq múddesi úshin bar kúsh - jigerin, qabiletin aıamaıtyn adam. Olar - óz Otanynyń jalyndy patrıoty, ónerkásip, aýyl sharýashylyǵynyń ozattary. Óz Otanyn, halqyn sheksiz súıýshilik – barsha kúsh - jigerin Otan múddesine arnaǵan adamǵa tán tereń sezim.
İ - top Tasjanova Aıdana: B. Momyshuly: «Patrıotızm – Otanǵa degen súıispenshilik. Jeke adamnyń aman - saýlyǵy, qoǵamdyq, memlekettik qaýipsizdikke tikeleı baılanystylyǵyn, ózińniń memleketke táýeldi ekenińdi seziný. qysqasyn aıtqanda patrıotızm degenimiz memleket degen uǵymdy ony jeke adamnyń barlyq jaǵynan ótkeni men búgingi kúnimen jáne bolashaǵymen qarym - qatynasyn biriktiredi, - dep tereń, jan - jaqty anyqtama bergen.
İİ - top Tastembekova Kenje: Qazaqstandyq patrıotızm sezimin qalyptastyrý úshin ár ulttar men ulystar tek óz mádenıetin ǵana tanyp bilýi jetkiliksiz, sonymen qatar olar bir - birin tanyp bilip, qurmetteýi tıis.
İ - top: Seıdahmet Sanjar: Patrıot – adamdardyń óz Otanyna degen súıispenshiligi men adaldyǵyn kórsetetin sezim. Ol adamnyń óz Otanyn kúshti de aıbyndy etip kórsetýge jáne gúldendirýge umtylýmen sıpattalady, qandaı da bir qastandyq áreketterden Otanyn qorǵaýǵa daıyn bolýyn bildiredi. Patrıottyq sezimi - óz halqynyń áleýmettik, mádenı jeńister úshin maqtaný, onyń jaýyngerlik jáne eńbek dástúrlerine uqyptylyqpen qaraý.