InfoHub Logo

Ótken álem chempıonattarynyń tumarlary.

 

Vıllı — Anglıa, 1966

Vıllı arystan tarıhtaǵy sport tumarlarynyń birinshisi jáne Anglıadaǵy álem chempıonatynyń tumary bolǵan. Osy tumardan keıin barlyq memleketter doppen beınelengen tumarlardy shyǵarýdy dástúrge aınaldyrdy.  Arystan Ulybrıtanıanyń ádettegi rámizi, ol ulttyq týdyń beınelemesi bar kıimde boldy.

 

Hýanıto — Meksıka, 1970

Hýanıto atty tolyq, qyzyl shyraıly balaqaı (Hýan — Meksıkada eń kóp taralǵan er adam ataýy) 1970 jylǵy álem chempıonatynyń beınesi boldy. Tompıǵan balanyń basynda Meksıkanyń dástúrli bas kıimi — sombrero.

 

Tıp pen Top — Germanıa, 1974

Nemisterdiń tumarlary sál kelemejdengen. Biraq soǵan qaramastan tartymdy. Fýtbolkadaǵy «WM» áripteri Weltmeisterschaft («álem chempıonaty») sóziniń qysqartylǵan túri, al «74» degen jazý, chempıonat ótken jyl.

 

Gaýchıto — Argentına, 1978

Argentınalyqtar dástúrdi jalǵastyrdy, chempıonattyń beınesi qaıtadan bala boldy. Tolyq Hýanıto men kúlkili Tıp pen Toptyń janynda Argentınanyń tumary naǵyz sportsmen bolyp kórinedi. Gaýchıto ulttyq kıim kıgen, onyń qolyndaǵy qamshysymen moınyndaǵy oramaly onyń pampastarda turatyn gaýcho ekenin de kórsetýde (Amerıkalyq kovboılardyń analogy).

 

Naranhıto — Ispanıa, 1982

Bul oǵash kórinýi múmkin, biraq ıspandyqtar tumar retinde apelsındi  tańdaǵan! Onymen qoımaı apelsınge ulttyq sımvolıkasy bar fýtbol formasyn da kıgizgen.  Tańǵalmańyz, bar bolǵany bul memleket eń dámdi  shyryn jasalatyn,  ańyzǵa aınalǵan apelsınderin maqtan tutady.

 

Pıke — Meksıka, 1986

Aspazdyq taqyrybyn meksıqandyqtar da qoldap, Hýanıtonyń ornyna dástúrli taǵam bolyp tabylatyn ashshy burysh Pıke keldi. Meksıkanyń ulttyq bas kıimi sobrero ózgerissiz qaldy.  Pıke degen at picante degen ıspan sózinen alynǵan, maǵynasyna keletin bolsaq jergilikti dámdeýishterdiń jalpylama aty.

 

Chao — Italıa, 1990

 

Italıa chempıonatynyń tumary ulttyq týdyń tústerinen turatyn, tekshelerden quralǵan adam boldy. Bastyń ornyna fýtbol dobynyń bolýy ıtalıandyqtardyń fýtbolǵa degen áýesqoılyqtaryn beıneleıdi. Tumardyń atyn qoıýda ıtalıandyqtar bas qatyrmaǵan sıaqty. Esim retinde Italıada amandasýda qoldanatyn  eń tanymal sóz alyndy.

 

Straıker — AQSH, 1994

Amerıkandyqtardyń tumary Straıker (strike sózinen — «soǵý») súıkimdi ári ádemi.Fýtbol amerıkandyqtardyń eń jaqsy kóretin sport túri bolmasa da, tumarlary óte tanymal boldy. Chempıonat kezinde tumar beınelengen ártúrli atrıbýtıkalar te jaqsy satylǵan.

 

Fýtıks — Fransıa, 1998

Fransýzdar esh kúdiksiz tumar retinde memleketteriniń ulttyq sımvoly áteshti tańdady. Jarqyn ári ádemi keıipker 1998 jylǵy chempıonatta Fransıaǵa birinshi oryn alýǵa kómektesti. Sonymen qosa ol amerıkandyq Straıkerdiń rekordtyq satylymynan asyp tústi.

 

Ato, Kaz jáne Nık — Japonıa men Ońtústik Koreıa, 2002

Azıadaǵy alǵashqy fýtboldan álem chempıonatynyń  sımvoly birden úsh keıipker boldy. Olar kompúterlik grafıka arqyly jasalynyp, chempıonatty ótkizip jatqan memleketterdiń  joǵary tehnologıalyq  damýlaryn kórsetti. Úsh keıipker de atmobol (fýtbolǵa uqsas, oıdan shyǵarylǵan sporttyń túri) boıynsha komanda músheleri bolyp eseptelindi.  Ato – jattyqtyrýshy, al Kaz ben Nık – oıynshylar.

   

Goleo VI jáne Pılle — Germanıa, 2006

40 jyldan keıin Germanıanyń tumary qaıtadan Goleo VI  atty arystan boldy, janynda sóıleıtin Pılle atty dop bar. Tumardy qýyrshaq retinde shyǵarý eń jaqsy ıdeıa emes ekenin, sımvoldy shyǵarǵan kompanıanyń bankrotqa ushyraýy dáleldedi.  

 

Zakýmı — OAR, 2010

Jasyl-sary (OAR-dyń ulttyq túsi) tústi leopard 2010 jylǵy chempıonattyń sımvoly boldy. Bul janýar namysshyl jáne bostandyq súıgish Afrıka halyqtaryn beıneleıdi. Biraq onyń ádetten tys bolatyn shashynyń túsi kóptegen pikirtalas týdyrǵan.

 

Fýleko — Brazılıa, 2014

Osy tumardyń arqasynda Brazılıada bronenostar mekendeıtinin bildik. Fýleko (futebol — «fýtbol» — jáne ecologia — «ekologıa» sózderinen quralǵan) kóńildi, jaıdarly ári jigerli bolyp shyqty. Brazılıa quramasy gol soqqan saıyn ol samba bılegen.

 

---