InfoHub Logo

Pavlodar oblysynyń ustazdary «Nazarbaev zıatkerlik mektebi» pedagogıkalyq quramynan tájirıbe alatyn bolady. Oblys ákimi Bolat Baqaýov pen «NZM» DBBU Kúlásh Shamshıdınova osyndaı memorandýmǵa qol qoıdy, dep habarlaıdy  pavlodar.gov.kz.

Óńirdegi keıbir mektepter qazirdiń ózinde NZM tájrıbesimen jumys isteýde. Olar Pavlodar qalalyq №8 mektep-lıseıi, «Jas Daryn» mamandandyrylǵan mektebi, sonymen qatar Baıanaýyl, Maı aýdandarynyń mektepteri.

«Bul tájirıbe ár mektep pen ár muǵalimniń  maqtanyshyna aınalýy kerek. Bizdiń maqsatymyz NZM tájirıbesin óńirdegi barlyq mektepke engizý. Qala men aýyl mektepteri arasyndaǵy bilim sapasynyń alshaqtyǵyn qysqartýymyz kerek»,-dedi oblys ákimi.

«NZM» DBBU Kúlásh Shamshıdınova óziniń sóılegen sózinde búginde aqparattyń tym kóptigin aıtty. Buryn aqparat óńdelip berilse, qazyr balalar oǵan óńdelmegen kúıinde qol jetkize alady. Onyń aıtýynsha, aqparatty qabyldaǵan bala oǵan óz betinshe baǵa berip, synı kózqaraspen oıǵa salyp tarazylaı bilýi kerek. Jáne ony jurtqa usyna alýy kerek.

Memorandýmǵa sáıkes taraptar, ustazdardyń kásibı biliktiligin arttyryp ınovasıalyq bilim berý salasynda birlese qyzmet atqarmaq.

---