InfoHub Logo

Jaqynda «Rýhanı jańǵyrý» strategıalyq baǵdarlama aıasynda   T.Q.Júrgenov atyndaǵy Qazaq ulttyq akademıasy  «Keskindeme, músin jáne dızaın» fakúlteti "Sándik qoldanbaly óner" kafedrasynyń profesory, Q.R. Sýretshiler odaǵynyń múshesi, «QR Mádenıet qaıratkeri» Ábilqasym Sársenbaevtyń  "Tamyry tereń týǵan jer" atty jeke shyǵarmashylyq kórmesi bolyp ótti. 

Kórmede Syr elinde týyp-ósken aqyndar,jazýshylar, qoǵam qaıratkerleri, aty ańyzǵa aınalǵan batyr babalardyń beıneleri jáne M.Shoqaıdyń san syrly beıneleriniń toptamasy qoıylǵan. Kórmemen jalǵasyp jatqan Doqtyrhan Turlybektiń «Ardaǵy ediń túrkiniń» atty derekti fılmi kórsetildi. Fılmdegi kórinisterde Á.Sársenbaevtyń M.Shoqaı taqyrybyna salynǵan túrli kórinistegi sýretteri fılmniń negizgi arqaýy bolady. Jasalǵan eńbekteri grafıka, kestindeme jáne túrli tehnıkada sheber oryndalǵan. Bul kórmede jyldar boıy izdenispen atqarylǵan shyǵarmashylyq jumystar kópshilik nazaryna usynyldy.

Kórmeniń ashylý saltanatyna Almaty qalasy ákiminiń kómekshisi Mamaı Ahetov, Almaty aqshamy gazetiniń redaktory Qalı Sarsenbaev, «Aıqyn» gazetiniń redoktory Nurtóre Júsip, «Úrker» jýrnalynyń redaktory Qýandyq Túlenbaev, akademık  Asqar Jýmadillaev syndy zıaly qaýym ókilderi qatysyp, elimizdiń Alash qaıratkeri  M.Shoqaıdyń ómiri jaıly ózderiniń ystyq lebizderin jetkizdi. 

---