InfoHub Logo

Pavlodar oblysynda jol aqysyn básekelesterinen tómendetken jańa taksı júrgizýshilerin "jazalaıtyn" "taksı mafıasy" paıda boldy. Bul jaǵdaı jergilikti turǵyndar men jańadan kelgen taksı júrgizýshileriniń narazylyǵyn týdyrýda.

Bul týraly Infohub.kz aqparat agenttigi habarlaıdy.

Jańa júrgizýshilerge qysym

Jergilikti bloger Bekmurat Shákenniń aıtýynsha, birde onyń dosy Ekıbastuzǵa 3000 teńgege jolaýshy tasymaldap, ádettegi 3500 teńgeden arzan baǵa usynǵan. Alaıda, basqa taksı júrgizýshileri ony "básekelesterin qýyp shyǵý" úshin jalǵan tapsyrys berip, aldap ketken.

«Oǵan klıent bolyp habarlasyp, meken-jaıdy aıtqan. Kelgen soń, ol jalǵan klıent ekenin, al ózi taksıst ekenin moıyndaǵan. Sol taksıster básekelesterin jazalaý úshin jalǵan akkaýnttar ashyp, jalǵan tapsyrystar beredi eken. Meniń dosym 3500 teńgelik joldy 3000 teńgege alýǵa keliskeni olardy ashýlandyrǵan», - deıdi bloger.

Jolaýshylar da zardap shegedi

Mundaı jaǵdaılar jıi bolyp turatynyna kýá bolǵan turǵyndar da bar. Pavlodar qalasynyń turǵyny Janardyń aıtýynsha, Pavlodar-Ekıbastuz baǵytyna taksı shaqyrtqanda, ol da osyndaı jaǵdaıǵa tap bolǵan.

«Sol kezde taksı 3500 teńge bolatyn. Maǵan 3000 teńgege taksı shyqty. Basqa taksıster maǵan habarlasyp, «Nege sonsha arzan? Qandaı kólik? Bul qandaı "sharshaýshy" taksıst?» dep surady. Men esh oılanbastan, kóliktiń nómirin, markasyn aıtyp berdim. Keıin ózim shaqyrǵan taksıstpen kele jatqanda, ol maǵan: «Qyzyq, nege olarǵa bárin aıttyńyz? Endi maǵan habarlasyp, qorqytyp jatyr», - dep aıtty», - deıdi Janar.

Resmı jaýaptar

Turǵyndar bul jaǵdaıdy "taksı mafıasy" dep ataıdy. Olardyń aıtýynsha, bul júrgizýshiler baǵyttardy baqylap, baǵany tómendetýge jol bermeıdi. Biraq resmı túrde bekitilgen tarıf joq, baǵa suranysqa, ýaqytqa jáne aýa raıyna baılanysty ózgeredi. Taksı qyzmetteriniń birindegiler mundaı áreketter úshin jaýapkershilik qarastyrylǵanyn málimdedi.

«Shaǵym túskennen keıin biz jolsaparǵa qatysýshylarmen baılanysyp, mán-jaıdy anyqtaımyz. Reıtıńisin, burynǵy pikirlerin qaraımyz. Buzýshylyqtyń aýyrlyǵyna baılanysty akkaýntyn buǵattaý sıaqty sharalar qoldanylady», - dep habarlady tapsyrys berý qyzmetiniń PR bólimi.

Kompanıa mundaı jaǵdaılar jolaýshylar senimin azaıtyp, platformanyń bedeline nuqsan keltiretinin moıyndaıdy. Al taksıshiler qaýymdastyǵyndaǵylar mundaı "klanmen" qalaı kúresý kerektigin ázirge bilmeıtinderin aıtty.