InfoHub Logo

Atyraýda oryn alǵan qaıǵyly oqıǵadan keıin, erli-zaıypty Maqsot Qarabalın men Násip Óteshqalıevanyń jaqyndary alǵash ret BAQ ókilderine ún qatty. Kúdikti Sultan Sársemálıevtiń ustalǵanyna qaramastan, otbasynyń jany jaraly kúıinde qalýda.

Bul týraly Infohub.kz aqparat agenttigi habarlaıdy.

Telejýrnalıst Janat Jaqsybaıqyzynyń áleýmettik jelide jarıalaǵan málimetinshe, qaıǵy jutqan otbasynyń úmiti tek joǵalǵan Naýryz ben Meıramgúldiń súıekteri tabylyp, jer qoınyna tapsyrýǵa ǵana qalǵan.

Jaqyndarynyń úmiti men kúdigi

«Ekeýi de tiri bolsyn dep tiledik, biraq endi bul múmkin emes shyǵar. Tym bolmasa súıekteri tabylsa eken deımiz. Jer qoınyna tapsyra alsaq... Júregimizben tiri kelse eken dep oılaımyz ǵoı. Solar týraly kúdikti aıtyp berse eken», - deıdi marqumnyń týysy.

Ol sondaı-aq, Naýryz ben Meıramgúldiń eshkimge zıany tımegenin, Naýryzjannyń árdaıym kómekke daıar turatynyn, al Meıramgúldiń balasha peıili bar ekenin aıtyp ótti. «Qaıda jibergenin?! Jarty jyl boldy joq bolǵandaryna», - dep kúıindi týysy.

Kúdiktiniń ustalýy

Eske sala keteıik, Atyraý oblysynda bolǵan qos adam óltirý deregi boıynsha kúdikti Indonezıada qolǵa túsken. Qazaqstan İshki ister mınıstrliginiń qyzmetkerleri sheteldik áriptesterimen birlesken operasıa nátıjesinde Lombok aralyndaǵy Senarý aýylynda asa aýyr qylmys jasady degen kúdikpen er adamdy ustaǵan.