InfoHub Logo

Bul saýaldyń jaýabyn búgin QR Parlamenti Senatynda ótip jatqan «Orta bilim berý júıesiniń jaı-kúıi, problemalary jáne zańnamalyq retteý perspektıvalar» taqyrybyna arnalǵan parlamenttik tyńdaý barysynda QR bilim jáne ǵylym mınıstri Erlan Saǵadıev berdi, dep QazAqparat habarlaıdy.

«Qazirgi ýaqytta pedagog mamandardy daıyndaıtyn kóptegen joǵary oqý oryndarynda aqyly negizde oqıtyn stýdentter óte kóp. Sizdiń kózqarasyńyz, pedagog mamandardy aqyly negizde daıyndaý durys pa?», - dep suraǵan edi parlamenttik tyńdaý barysynda senator Murat Baqtıaruly.

Erlan Saǵadıevtyń aıtýynsha, bıyl pedagog mamandyǵyna 8 myń grant bólindi. Ol tek qana memlekettik ýnıversıetterge ǵana emes sonymen birge jeke menshik oqý oryndaryna da berildi.

«Grant balanyń qolyna berilip, ol qalaǵan ýnıversıtetine bara alady. Meniń oıymsha, muǵalimderdi tek qana memlekettik ýnıversıtetterde ǵana emes jeke menshik ýnıversıtetterde de daıyndaý qajet bolyp tur. Bıyl S.Demırel atyndaǵy ýnıversıtet, Qazaqstan menedjment, ekonomıka jáne boljaý ınstıtýty syndy birneshe oqý orny pedagog mamandaryn daıyndaýǵa múmkindik aldy. Ásirese aǵylshyn tilinde bilim beretin ýnıversıtetter muǵalimderdi daıyndaýǵa lısenzıalaryn alyp, sol jumysqa kiristi. Meniń oıymsha óte qýanyshty proses. Memlekettik ýnıversıtetke básekelestik paıda boldy», - dedi mınıstr.

---