tengrinews.kz
Petropavldaǵy "áıelder ish kıimin kıgen psıhopat" isi: sot sheshimi shyqty
Petropavlda áıelin jáne balalaryn qorlap, áıelder ish kıimin kıip, beınejazbalar túsirgen er adam men onyń áıeli ata-ana quqyǵynan aıryldy. Bul týraly Petropavl qalalyq mamandandyrylǵan ákimshilik quqyq buzýshylyqtar soty habarlady.
Bul jantúrshigerlik oqıǵa ótken jyldyń qarasha aıynda belgili boldy. Kópbalaly anaǵa qatysty zorlyq-zombylyq týraly dabyl habarlamasy "NeMolchı.kz" qoǵamdyq qorynyń áleýmettik jelidegi paraqshasynda jarıalandy. Qordyń málimetinshe, áıel kúıeýinen kóp jyl boıy qorlyq kórip, saldarynan múgedek atanǵan.
"Áıel kúıeýiniń tarapynan kóp jyl boıy qorlyq kórdi. Ol áıeline operasıa jasatyp, tipti basyn da jartty. Biraq bul ony toqtatpady, áıelin uryp-soǵa berdi. Áıel esinen tanyp, qulaı berdi. Aqyry aıaǵynan tura almaı qaldy", - delingen "NeMolchı.kz" jazbasynda.
Qordyń habarlaýynsha, áıel anasynyń úıine qashyp ketkenimen, bes kámeletke tolmaǵan balasy ákesimen qalǵan. Otaǵasy balalaryna da agressıvti qarym-qatynas tanytqan. Muny rastaıtyn TikTok jelisine salǵan beınejazbalary da bar. Onda ol áıelderdiń ish kıimin kıip túsken.
Arest, esepke alý jáne sot
Bul jaǵdaıǵa polısıa nazar aýdaryp, qamqorshylyq organdarymen birlesip, otbasynyń turǵylyqty jerine bardy. Áıeldiń aryzy boıynsha, kúıeýine qatysty otbasylyq-turmystyq qatynastar salasyndaǵy quqyqqa qarsy áreketteri úshin ákimshilik is qozǵaldy.
Nátıjesinde, Petropavl qalalyq mamandandyrylǵan ákimshilik quqyq buzýshylyqtar soty kináli dep tanyp, oǵan bes táýlikke ákimshilik qamaqqa alý jazasyn taǵaıyndady. Sonymen qatar, sot onyń áıeli men balalarynyń janyna ruqsatsyz barýyna 12 aı boıy tyıym saldy.
Polısıa ata-anany arnaıy esepke aldy. Keıinnen Petropavl qalalyq bilim bólimi balalardy ata-analarymen qaldyrý qaýipti dep sheship, ákesi men anasyn sotqa berdi. Ekeýi de jumys istemegendikten, bala tárbıesine qajetti mindetterdi oryndaı almaǵan.
Sot otyrysy jabyq rejımde ótip, úsh aıǵa sozyldy. Qorytyndysynda, sot erli-zaıyptylardy bes balasynan ata-ana quqyǵynan aırý týraly sheshim qabyldady. Alaıda, belgili bir sharttar oryndalsa, alty aıdan keıin olar quqyqtaryn qalpyna keltirýge múmkindik alady.
Qazirgi tańda bes bala da qıyn ómirlik jaǵdaıǵa tap bolǵan balalardy qoldaý ortalyǵynda tárbıelenýde.
Bul týraly Infohub.kz aqparat agenttigi habarlaıdy.
-
V nekotoryh stranah garajı pereoborýdýıýt v jıle. Ýznaıte, vozmojen lı takoı trend v Kazahstane ı kakıe prepátstvıa sýshestvýıýt.
-
A court has stripped parents of their rights to five children in Petropavl following severe abuse allegations, including the father's disturbing behavior.
