InfoHub Logo

Adam jany – tereń muhıt ispetti. Onyń betinde sana tursa, tereńinde túpsana jatady. Túpsana – bizdiń oıymyzǵa, áreketimizge, tipti taǵdyrymyzǵa áser etetin kózge kórinbeıtin kúsh. Bul beısanalyq qabatta qorqynysh ta, arman da, senim de, kúdik te saqtalady. Eń qyzyǵy – adam bolashaǵyna senip, úmitpen ómir súrgisi kelse, aldymen túpsanasyn tárbıeleýi kerek.

Búgingi kúnde kóptegen jastar motıvasıa izdep, túrli kitaptar oqyp, vıdeolar qaraıdy. Biraq nátıje kórmegende, úmiti úziledi. Sebebi olar sanany ózgertýge tyrysady, al máseleniń tamyry – túpsanada jatyr. Eger túpsanada “meniń qolymnan kelmeıdi”, “bolashaq bulyńǵyr” degen teris baǵdarlar bolsa, adam ne istese de, ilgeri baspaıdy.

Túpsana – adamnyń ishki “baǵdarlamasy”. Ony qaıta jazýǵa bolady. Bul – úmit otyn qaıta jaǵý degen sóz. Armandaryńa sený, jaqsyny kútý, bolashaqqa senimmen qaraý – bular tek sóz emes, túpsanany qaıta baptaýdyń quraldary. Kún saıyn “meniń bolashaǵym jarqyn”, “meniń armanym oryndalady” degen senimdi sózderdi qaıtalaý, vızýalızasıa ádisterin qoldaný, pozıtıv oılaý túpsanany jańartady. Bul – motıvasıanyń ishki, naǵyz qýaty.

Bolashaqqa sený – adamnyń tabıǵı qasıeti. Biraq keıde ómirdiń aýyrtpalyǵy ony tumshalap tastaıdy. Osyndaı sátterde túpsanaǵa oralý, ózińe senim artýdy úırený – úmitti qaıta jandyrýdyń joly.

Seniń ishki daýsyń saǵan “sen myqtysyń” dese, sen toqtamaısyń. Al eger ishki daýysyń álsiz bolsa, syrtqy motıvasıa uzaqqa barmaıdy. Sol sebepti, bolashaqta bıik belesterdi baǵyndyrǵysy kelgen ár adam óz túpsanasymen “dos” bolýy kerek.