InfoHub Logo

Prezıdent Qasym-Jomart Toqaev Qazaqstan halqyn Naýryz meıramymen quttyqtady,dep habarlaıdy Infohub.kz.

 Naýryz meıramy – Memleket basshysy Qasym-Jomart Toqaev Ulystyń uly kúnin "Expo" kórme ortalyǵynda uıymdastyrylǵan etnoaýylda halyqpen birge atap ótti. Prezıdent jınalǵan jurtshylyqqa quttyqtaý sózin arnap, Naýryz merekesiniń mańyzdylyǵyn atap ótti.

"Ulystyń uly kúni – ultymyzdyń ulyq meıramy. Bul – bizdiń ata dástúrimiz. Shýaqty kóktem merekesinde búkil dúnıe qaıta jańǵyrady. Kún men tún teńeledi. Qazaq eli Áz-Naýryzdy kóne zamannan beri toılap keledi. Ulystyń uly kúni bıyl da qasıetti Oraza aıymen tuspa-tus kelip otyr. Elimiz úshin munyń mán-mańyzy zor. Sebebi bizdiń dinimiz ben dástúrimiz – egiz. Qos qazynamyz halqymyzdyń biregeı bolmysyn aıshyqtaı túsedi", – dedi Qasym-Jomart Toqaev.

Saltanatty shara aıasynda qazaqtyń ulttyq dástúrleri, onyń ishinde qolóner kórmesi, ulttyq oıyndar, halyqtyq ánder jáne teatrlandyrylǵan qoıylymdar usynyldy. Prezıdent kópshilikpen birge Naýryz kóje iship, ulttyq taǵamdardan dám tatty.

Naýryz meıramy bıyl da el ishinde keńinen toılanyp, Astana, Almaty, Shymkent jáne basqa qalalarda túrli mádenı is-sharalar uıymdastyryldy. Mereke el birligi men tatýlyǵyn nyǵaıtyp, halqymyzdyń rýhanı qundylyqtaryn dáripteýge taǵy bir qadam boldy.