InfoHub Logo

Prokýror byltyr AES qurylysyna qarsy shyqqan belsendilerdi bes jylǵa sottaýdy surady, dep habarlaıdy Infohub.kz.

Búgin, 21 tamyzda Almatynyń Almaly aýdandyq sotynda AES qurylysyn salýǵa qarsy shyqqan bes belsendiniń sotynda jaryssóz bastaldy. Memlekettik aıyptaýshy prokýror Janat Qazaqbaı, Nurlan Jaýlybaı, Fazyljan Syzdyqov, Nurlan Temirǵalıev jáne Aıdar Múbarakovty qylmystyq kodekstiń 24-babynyń 3-bóligi, 272-babynyń 1-bóligi boıynsha kináli dep tanyp, árqaısysyn 5 jylǵa bas bostandyǵynan aıyrýdy surady.

Aıta keteıik, 2024 jyly AES qurylysyna qatysty referendým qarsańynda tartipsizdik uıymdastyrǵan 12 belsendi ustalǵan edi. Onyń jeteýi eshqaıda ketpeý týraly qolhatpen bosatylǵan. Al qalǵan bes belsendige «jappaı tártipsizdik uıymdastyrý» baby boıynsha aıyp taǵylǵan. Belsendiler ózderine taǵylǵan aıypty moıyndamaıdy.