InfoHub Logo

Qazaq ádebıeti 7 synyp
Sabaqtyń taqyryby: Q. Ysqaq «Qońyr kúz edi»povesinen úzindi. Shyǵarmanyń taqyryby men ıdeıasy.
Sabaqtyń maqsaty:
a) Q. Ysqaqovtyń ómirbaıanyn shyǵarmasyna negizdeı otyryp taldaý arqyly onyń qaıtalanbas sýretker ekenin tanytý;
á) ónerdi súıý, ónerge qushtarlyq tárizdi óner adamdaryna degen kózqarasty qalyptastyrý;
b) qalamgerdiń sýretker retindegi múmkinshiligin tanytý, ıdeıalyq - estetıkalyq mánin ashý, logıkalyq oılaryn damytý;
Sabaqtyń túri: Jańa sabaq
Sabaqtyń ádisi: suraq - jaýap, túsindirý, baıandaý t. b
Pánaralyq baılanys: tarıh

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý, synyptyń tazalyǵyna kóńil bólý. Oqýshylardyń zeıinin sabaqqa aýdarý.
á) Úı tapsyrmasyn pysyqtaý:
Úıge Á. Tájibaevtyń «Syrdarıa» óleńin jattap kelýge berilgen bolatyn. Oqýshylardan úıge berilgen tapsyrmany surap shyǵamyn. Oqýshylarǵa birneshe suraqtar qoıamyn
b) Jańa sabaqty túsindirý:
Qalıhan Ysqaquly Ysqaq (14 naýryz, 1935 jyly Katonqaraǵaı aýdany, Topqaıyń - 13 tamyz, 2014 jyly Almaty) – qazaq prozasynyń qara nary atanǵan jazýshy, synshy, dramatýrg, aýdarmashy. Qazaqstannyń eńbek sińirgen qaıratkeri. Qazaqstannyń memlekettik syılyǵynyń jáne Halyqaralyq «Alash» ádebı syılyǵynyń ıegeri. Aıagóz aýdanynyń jáne Qatonqaraǵaı aýdanynyń Qurmetti azamaty.
1952 jyly Ál - Farabı atyndaǵy Qazaq ulttyq ýnıversıtetiniń (burynǵy S. M. Kırov atyndaǵy Memlekettik ýnıversıtetiniń) «Fılologıa» fakúltetiniń jýrnalısıka bólimine túsip, 1957 jyly aıaqtap shyǵady.
Eńbek joly
1967 – 1972 jyldary Máskeýdegi eki jyldyq senarıster men rejıserdiń joǵarǵy kýrsyn bitirgen soń Sh. Aımanov atyndaǵy Qazaqfılm kınostýdıasynda aǵa reaktor qyzymetin atqardy.
1972 – 1995 jyldary Qazaqstan Jazýshylar odaǵynda dramatýrgıa seksıasyn basqardy;
1998 jyldan M. Áýezov atyndaǵy memlekettik akademıalyq drama teatrynyń ádebıet bólimin basqardy;
«Juldyz» jýrnalynyń proza bólimin de basqardy.
«Lenınshil jas», «Qazaq ádebıeti», «Halyq kongresi» gazetterinde, «Mádenıet jáne turmys», «Parasat» jýrnaldarynda on bes jyl qyzmet istedi.
Povesteri: «Qońyr kúz edi», «Meniń aǵalarym», «Buqtyrma saryny»
Romany: «Tuıyq», « Qaraorman», «Aqsý - jer jannaty»
«Qońyr kúz edi» povesiniń qyshqasha mazmunyn aıtyp beremin.
Jazýshynyń «Qońyr kúz edi» shyǵarmasy óz basynan keshken bir oqıǵa negizinde jazylǵan. Shyǵarma keıipkerleri:
Qasym – oqıǵany baıandaýshy bala, negizgi keıipker.
Maımuryn – mektep dırektory
Almataı – qazaq tili men ádebıeti pániniń muǵalimi
Jaryqjuldyz – shyn aty Qomshabaı – shyǵarma keıipkeri, momyn bala
Altyn – Qasymmen birge oqıtyn ánshi qyz
Shyǵarma oqıǵasy Uly Otan soǵysynan keıingi turmys - tirshilikti, Topqaıyń mektep - ınternatynyń jaı - kúıin, balalar ómirin sýretteýge arnalǵan.
Kitappen jumys: Jazýshynyń kúzdi, adamdardy sýrettegen beıneli sózderin taýyp oqydy.
Ádebıet teorıasynan túsinik berý. Poves bul orys ádebıeti arqyly ádebıettaný ǵylymyna engen janr. Ony A. Baıtursynov «uzaq áńgime» dep alsa, qazirgi qazaq ádebıetinde «hıkaıat», «baıan» dep te júr.

Bilimdi bekitý: Ótilgen taqyrypqa baılanysty birneshe suraqtar qoıamyn. Túsinbegen suraqtaryna jaýap beremin.
1. Qasym nege kúzdi eske alyp otyr?
2. Altyn synyptaǵy qandaı qyz edi?
3. Altynǵa degen Qasymnyń balalyq ǵashyq sezimi qalaı kórinedi?
4. Topqaıyń mektebi Qasymdy qalaı qarsy aldy?
5. Muǵalimi Almataı Qasymnyń ádebıetke qabiletti ekenin qalaı baıqady?
Bilimdi baǵalaý: Oqýshylardyń jaýaptaryna, sabaqqa belsene qatysyp otyrǵandaryna qaraı bilimderi baǵalanady.
Úıge tapsyrma: Q. Ysqaqtyń «Qońyr kúz edi» povesin oqyp, qurylysyna qaraı taldap kelý.
Q. Ysqaq «Qońyr kúz edi»povesinen úzindi. júkteý