InfoHub Logo

Meniń ómirlik ustanymym-shákirtime  shynaıy  bilim men tárbıe beretin ustazdyq mamandyq. Bul mamandyq meniń moınyma taǵylǵan qasıetti tumarym.

Shákirt ataýlyny óz janyna serik etken maman ıesin ıaǵnı, ustazdardy bylaıǵy jurt qoǵamdyq oıdyń kóshbasshysy dep qabyldaıtyny sózsiz. Iá, shákirtiniń júregine  bilim men tárbıeniń uıasyn sala bilgen qarlyǵashtardyń  qoǵamdaǵy róli de ózgeshe. Jurt «shákirttiń sanasyna bilim men  tárbıeniń shamyn jaǵyp, qarańǵylyqta jaryq sáýle berýshi kún» dep qurmet tutatyn olardy jaqsylyqqa jaq bolyp, jamandyqqa qas bolatyn, ádildiktiń týyn kóteretin jáne sol jolda ushqyr oıy, patrıot minezin qasqaıyp turatyn belsendi topqa qosyp, ony ózinshe qadir tutady.  Osyndaı ustaz atty izgiliktiń ıesi bolý kez kelgenge buıyra bermeıdi. Bilimdi de tárbıeli  urpaqty  ósirý  óziniń júris-turysymen , ádepti de sypaıy minezimen ,saýatty sabaǵymen  sheberlik tanytý taýdaı talapty qajet etedi.

Meniń ómirlik ustanymym – taýdaı talapty qajet etetin mamandyq , ustazdyq mamandyq jáne osy mamandyq boıynsha shákirt júreginen oryn taýyp  tárbıe men bilimniń dánin egip kógergen jasyl  aǵashqa aınaldyrý,jaqsy  adam bolyp shyǵýǵa tárbıeleý,  ómirdegi qabyldaǵan durys sheshimderimniń eń bastysy bolyp tabylady.

Shákirt tárbıelegen ustaz ben aǵash ósirgen baǵbannyń is-áreketti birdeı.  Baqsha aǵashtaryna qarap tursam egilgen aǵashtardyń baptaýmen, qadaǵalaýmen  ósken túzýi de, qaraýsyz ósken  qısyǵy da bar. Bul aǵashtardy durys baptap , qadaǵalap ósirý baǵbannyń qolyndaǵy is. Ol tańnyń atysymen keshtiń batysyna qaramaı ,mańdaı terin tógip qadaǵalap ósirse japyraǵyn jaıǵan kóıleńkeli túzý aǵash óseri anyq. Al qaraýsyz qalsa qısyq aǵash ta qısyq ósip, qaraýsyz dúnıege keledi. Ustazda óz shákirtine kelgen kúnnen bastap ,partaǵa otyrǵyzyp, qalamdy qolyna ustatyp,bilim men tárbıeniń sáýlesin durys shashyp, baǵyp-qaǵyp ósirse  aǵash sekildi túzý ósip ,jaıqalǵan japyraqty aǵashtyń kóıleńkesinde jany saıa tabady. Baǵbannyń aǵashty baptaýdaǵy quraly –úshkir kúregi men tynymsyz eńbegi bolsa, muǵalimniń  shákirtti tárbıeleýdegi basty quraly-óz boıyndaǵy jaqsy minez-qulqy men adamgershilik qasıeti, sapaly bilimi bolýy kerek.   

Ustaz eń áýeli bilim men tárbıeden buryn,óz shákirtin óz balasyndaı jaqsy kóre bilý jáne júreginiń  jylýyn, óz boıyndaǵy  jaqsy qasıetterin  sezindire bilýi lazym. Sonda ǵana shákirt ustazynyń tárbıesi men bilimin jatyrqamaı sanasyna sińdire alady. Osy sózim dáleldi bolý úshin myna áńgimeni aıta ketkendi jón sanadym.

Bir profesor , óz stýdentterin  Baltımor qalasynyń kishkentaı bir aýylyna jiberedi. Sondaǵy tapsyrma – ol aýylda turatyn 200 er balanyń minez-qulqyn zerttep, árbir balanyń keleshegi jaıly óz tujyrymyn jazý bolatyn. Tapsyrmany oryndap kelgen stýdentterdiń bergen baǵasy bir boldy – balalardyń eshbiri “adam” bolatyn emes dep tujyrymdaıdy.

25 jyldan keıin sosıologıa pániń basqa bir profesory osy zertteý jumysyn taýyp, óz stýdentterine jobany jalǵastyryp, jobadaǵy balalar turatyn aýylǵa baryp, balalardyń qandaı adam bolyp óskenin qarap kelýin tapsyrady.  Stýdentter ol aýyldan kóship ketken ne bolmasa qaıtys bolǵan 20 shaqty baladan basqasynyń bárin taýyp alady. Qalǵan 176 balanyń bári de keremet jetistikterge jetip, advokat, dáriger, bıznesmen bolǵanyn kóredi.

Profesor qatty tańqalyp, 25 jyl buryn zertteý nátıjeleriniń nelikten qate bolǵanyn bilgisi keledi. Erjetken balalardyń bári áli sol óz aýyldarynda turǵandyqtan, ol jerge baryp árqaısysymen jeke-jeke sóıleskisi keledi. «Kishkentaı kezderindegi qıyn jaǵdaılarǵa qaramastan, jaqsy azamat bolyp óstińder. Jetistikterińdi qalaı túsindirer edińder?» suraǵyna bárinen de birdeı jaýap alady: «Aýylymyzdyń mektebinde bir muǵalimimiz bar edi. Bári de sonyń arqasy.» dep jaýap beredi.

Profesor muǵalimdi taýyp alyp, onymen de sóıleskisi kelip, úıine deıin barady.  Betin ájim basqan qurmetti ustazdan jasóspirimderdi kósheniń teris áserinen qalaı qutqaryp, olardyń jaqsy azamat bolýlary úshin qandaı tárbıe bergendigin suraıdy.

Kózderinen meıirim tógilgen ulaǵatty ustaz, kúlimdep qana: «Op-ońaı»,- deıdi – «Men ol balalardyń bárin júregimmen, shynaıy jaqsy kórdim» degen eken.

Iá, óz sózimdi qorytyndylaı kele: «Eger bir jylyńdy oılasań, dán sep; on jylyńdy oılasań, aǵash ek; bir ǵasyryńdy oılasań, jaqsy adam tárbıele» deıdi.

Sondyqtanda jaqsy shákirt  tárbıelep ósirý meniń ómirlik ustanymym jáne durys qabyldaǵan sheshimderim bolyp qala bermek.

---