InfoHub Logo

Ómir saltyńyzdaǵy azdaǵan ózgeris terińizdi saý qylyp ári jaınatyp jiberedi.  

Kóbimizge qyrtystana bastaǵan jáne ársiz teri problemasy tanys. Nemese odan da jamany — eń kereksiz kezde (suhbattasý, kezdesý nemese fotosessıa aldynda) shyǵa keletin súıkimsiz bezeý. Fotosessıanyń jarasy jeńil: keıin sýretterdi fotoredaktor jóndep beredi. Al bundaı jaǵymsyz jaı kezdesýdiń shyrqyn buzyp jiberýi múmkin.  

Eń soraqysy sol, 13 jastaǵy kezińizde siz bunyń bári úlkeıe kele ketedi dep oılaısyz. Biraq bul problema adamdardyń kópshiliginiń artynan olar qartaıǵansha qalmaıdy, tipti arta túsedi.

Taǵy bir jaman jeri — bettiń bozaryp ketýi. Mundaıda áıelderge ońaı, olar bárin tonaldyq quraldar arqyly ketire salady. Biraq mundaı múmkindik bolmaǵan kezde ne isteý kerek? Mysaly: jaǵajaıda (ol jerge de keıbir sylqym qyzdar muqıat jasalǵan makıaj jasap alǵan soń ǵana barady). Qorǵanys qabatynyń bútindigine alańdatatyny az bolǵandaı, ol bette úldir turǵandaı jaman áser beredi...  

Jaman terige bola ýaıymdamaı, rahatqa bólenip ómir súrgimiz keledi emes pe.   

Bulaı bolýy úshin zeınetke shyǵýdy kútý mindetti emes. Shyraıly, tegis jáne jarqyn júzdi teriniń ıesi bolý úshin ońaı joldary bar.  

1. Qant jeýden aýlaq bolyńyz

Nemese ony paıdalanýdy meılishe azaıtyńyz. Biz tátti nárseni jegen kezde qanymyzǵa glúkoza kóbirek bara bastaıdy. Óte kóp. Sol glúkozany qanǵa tasymaldaý úshin organızmimiz jaýap retinde ınsýlındi bóle bastaıdy. Táttini kóp jegen saıyn ınsýlın kóbeıe beredi.  

Insýlınniń joǵary deńgeıi testosteron deńgeıin arttyrady da, bul óz kezeginde, teridegi usaq tesikterdi bitep tastaıtyn jáne bakterıalardy ózine tartatyn zattekterdiń bólinýine sebep bolady. Bunyń bári akne (bezeýdiń qaptaýy) paıda bolýyna aparyp soǵady.   

Zeıin salyńyz: táttilerge aspartam taqylettes qant ornyna qoldanylatyn zattar da jatady. Óıtkeni onyń quramynda qant jáne kalorıalar bolmaǵanymen, olardyń tátti dámine organızmniń reaksıasy kádimgi qant jegendegideı bolyp, ınsýlın shyǵara bastaıdy.

Oqýǵa keńes beremiz:

Qaterli isikti arttyratyn azyqtar

Sheker týraly ýly aqıqat

2. Taza sýdy kóbirek ishińiz

Iá, taǵy da ıá. Op-ońaı. Qanshaǵa shamańyz kelse, sonsha mólsherde sý ishińiz. Eń durysy, kúnine keminde 2 lıtr iship turyńyz. Keı kisiler sonshalyqty mólsherde ishe almaıdy, biraq buryn kúni boıy kofege qanyp júretin adam 1 lıtr iship tursa — bul da jaqsy. Siz birtindep kóp sý iship júrýge daǵdylanyp ketesiz. Bastysy — qalaý.  

Oqýǵa keńes beremiz:

Táýliktik sý qajettiligi

Densaýlyǵyńyz myqty bolý úshin qansha sý ishý kerek?

Sýdy nege kóp ishý kerek? Birinshiden, eger organızmge ylǵal jetkiliksiz bolsa, ol bar sýdy qurǵaq teriniń muqtajyn óteýge jumsamaıdy, ol aldymen teriden góri mańyzdyraq fýnksıalardy qamsyzdandyrady (mysaly, qaldyqtardy organızmnen shyǵarý, zat almasý úderisteri, deneni salqyndatý, taǵy sol sıaqtylar). Siz terińizdi ylǵaldandyrý úshin sýperqymbat jaqpamaıdy paıdalanýyńyzǵa bolady, biraq, eger sý iship júrmeseńiz, onyń paıdasy joq.  

Jaqpamaılardyń kópshiligi teri jasýshalaryndaǵy ylǵaldy ustap turýǵa arnalǵan. Al ustap turatyn eshteńe bolmasa… Ózińiz de túsingen shyǵarsyz.   

Ekinshiden, barlyq zat almasý úderisteri sý bar ortada júredi. Onyń ishinde teriniń ádemi bolýy úshin qajetti S dárýmeni de ózi erýi úshin sýdy paıdalanady. Buǵan qosa sý qaldyqtardy organızmnen shyǵaryp, tamaq qorytylýyn jaqsartady.  

Eger betińizge bezeý shyqsa, bul sizdiń búırek, baýyr jáne teri sekildi shyǵarý júıeńiz organızmińizdegi ózińiz mol qoryn jasaǵan sapasyz taǵamdardyń mólsherin eńsere almaı jatqanynyń nyshany. Onyń ishinde durys tamaqtanbaǵandyq ta bar.   

3. İship júrgen asyńyzǵa jartylaı daıar taǵamdardy qospańyz

Sonymen qatar konservanttary, boıaǵyshtary, qant ornyna paıdalanylatyndar jáne basqa hımıa óndirisiniń jetistikteri bar azyq-túlikten aýlaq júrińiz.  

Joǵaryda aıtylyp ótken «azyqty» jaqsy kóretinderdi terisiniń bop-boz bolýy men ústine shyqqan bórtpesinen tanýǵa bolady. Bul organızmniń lastanýǵa degen reaksıasy, ol týraly aldyńǵy tarmaqta aıtyldy. Iá, bunyń bárin gormondarǵa jaba salýǵa bolady. Biraq gormondar jasóspirim ýaqytta ǵana terige áser etedi. Al 20-25 jastan asqan soń bul endi gormondar emes (eger siz rozaseıa syqyldy teri aýrýyna shaldyqpasańyz jáne shynymen gormondyq fonyńyz durys istemeıtin bolmasa). 

Oqýǵa keńes beremiz: 

Salaýatty bolyp kórinetin 9 ónim

Tamaqtaný mádenıeti

Tamaqtanýdaǵy mańyzdy 10 keńes

Sóz reti kelgende aıta keteıik, gormondyq fon durys bolmasa, ony da rasıonyńyzdy ózgertip jáne dárýmen-mıneraldyq keshenderdi paıdalanyp emdep jazýǵa bolady.   

Eresekterde bolatyn akne — bul ishken tamaq pen qorshaǵan orta áseriniń nátıjesi. Sońǵysyn ózgertý qıyndaý, biraq ishetin astyń qandaı bolmaǵy árkimniń ózine baılanysty. 

Oqýǵa keńes beremiz:

Úılesimdi jáne tıimdi tamaqtaný

As mázirinde bolýǵa tıis 8 túrli keremet azyq

Kúnine úsh jumyrtqa jeseńiz, deneńizde qandaı ózgerister bolady?

Asqazan-ishek aýrýlary kezindegi emdám

Taǵamdardy qalaı durys saqtaý kerek

4. Kúndelikti S dárýmenin iship júrińiz

Ne desek te, S dárýmeni — óte pármendi qural. Bul jasýshalardy qorǵaıtyn kúshti antıoksıdant. Onyń ústine ol teriniń ádemiligine yqpaly bar kollagen men elastenniń sıntezdelýine qatysady jáne ájimniń paıda bolýynyń aldyn alady.   

Eresek adamǵa (18 jastan bastap) tutynýǵa keńes beriletin táýliktik mólsher — 1–2 gram. Bul mólsherdi 2-3 bólip, asqazannyń mazasyn ala bermeý úshin, tamaqtan soń iship turǵan abzal.  

Oqýǵa keńes beremiz:

Sınga: S dárýmeniniń tapshylyǵy

Barlyq dertke daýa - ıtmuryn

5. Temeki tartqandy qoıyńyz

Bul túnergen teriden góri ózińizdiń ajarly terińizben júrýdiń eń durys joldarynyń biri. Adam temeki tartqan kezde onyń jasýshalary ashtyqqa ushyraıdy, olarǵa ottegi jetpeı qalady. Onyń ústine bul jalpy densaýlyqqa, onyń ishinde júrek-qan tamyrlary aýrýlaryna shaldyqtyratyn kóptegen problemalarǵa aparyp soǵady.

Temekini qoıyp ketý úshin budan artyq qandaı sebep kerek? Dál qazir qoıyp ketińiz! Siz temeki alýǵa ketetin aqshańyzdy únemdep qana qoımaısyz, sondaı-aq kosmetologqa baratyn shyǵyndaryńyzdy da azaıtasyz.

Oqýǵa keńes beremiz:

Temekiniń mıǵa beretin zıandary 

6. Sapasy jaqsy maılardy kóbirek tutynyńyz

Tolyp ketpeımin be dep, kóńilińizge alań uıalaıtyn shyǵar. Joq. Eger siz tutynyp júrgen kómirtekterdi azaıtsańyz (qanttyń ózin-aq) jáne rasıonyńyzǵa maılardy qossańyz, salmaǵyńyz artyp ketpeıdi. Kerisinshe, salmaǵyńyz azaıýy múmkin. Alaıda, bul basqa áńgime. Maılardan qorqýdy qoıyńyz. Olar bizdiń densaýlyǵymyz ben sulýlyǵymyzdyń saqshylary.  

Maılar — bizdiń jasýshalarymyz úshin qajetti qurylys materıaly, sonymen birge olar omega-3 maı qyshqyldarynyń taptyrmaıtyn qaınar kózi. Sýyqtaı syǵyp alynǵan ósimdik maılaryn, jańǵaqty jane pisteni opyra jeı berińiz.   

Eger organızmge maılar jetispeı jatsa, terińiz óte qurǵaq bolyp ketedi. Maılar jasýsha qabyn qorǵap turady. Olar onyń quramyna kiredi. Eger maılar jetkiliksiz bolsa, jasýsha óz deńgeıinde jańaryp otyra almaı qalady. Bul, óz kezeginde, bettiń reńsizdigine, sonymen qatar jara men tyrtyqtardyń uzaq jazylmaı qoıýyna aparyp soǵady.

Eger siz osynshama ýaqyt maılardan qorqyp, «neǵurlym az bolsa, soǵurlym jaqsy» degen qaǵıdatpen júrseńiz, onda dál qazir jaǵdaıdy túzeýdi bastańyz.  

Ósimdik maılaryn salattarǵa qosyńyz. Jáne de jap-jaqsy kókónis porsıasyna bir shaı qasyq emes, eki as qasyqtan qosyńyz. Sosyn jańǵaq pen pisteni de umytyp ketpeńiz.   

Buǵan qosa balyq maıyn alyp, ony úzbeı tutynyńyz.  

Oqýǵa keńes beremiz:

Zyǵyr maıynyń paıdasyn bilesiz be?

7. Qyzyldy-jasyldy jıdekterdi, kókónis pen jemisti kóbirek jeńiz

Olardyń quramynda antıoksıdanttar kóp.  

Bul rette dastarhanyńyzdaǵy palıtra neǵurlym ár-alýan bolsa, soǵurlym jaqsy. Ár tús  — bul antıoksıdanttardyń ár tıpi jáne ártúrli zattek. Antıoksıdanttar erkin radıkaldardyń erte ájim túsiretin (kesh túsiretin de) terini zaqymdaýynan qorǵaıdy.  

Jyldyń sýyq mezgilinde muzdatylǵan jıdekter men jemisterdi oıdaǵydaı paıdalanýǵa bolady. Olardy paıdalanýdyń eń durys tásili — olardan barlyq tústegi jáne barlyq túrdegi smýzı (blenderde ár túrli jemis-jıdek-kókónisti aralastyryp jasaıtyn qoıý, óte paıdaly sýsyn) jasaý.  

Oqýǵa keńes beremiz:

Jıde jáne onyń paıdasy

Greıpfrýt jáne onyń paıdasy

Jemis-jıdek jáne kókónis

Shıe jáne onyń paıdalary

Shabdaly jáne onyń paıdalary

Lımon jáne onyń paıdasy

Úıdegi kosmetıka

8. Grafıgińizge kardıojattyǵýlardy engizińiz

Bet terisin únemi jasalatyn kardıojattyǵýlardan artyq jaqsartatyn eshteńe joq. Birinshiden, biz terleımiz de, bul denemizdegi toksınderdi shyǵaryp otyrýǵa septigin tıgizedi. Betimizdi reńsiz etetin sol toksınder ǵoı.  Ekinshiden, kardıojattyǵýlar júrekti shynyqtyryp, bul uzaq jasaýymyzǵa ǵana sep bolyp qoımaı, sonymen qatar qan aınalymyn jaqsartady. Qan aınalymy jaqsy bolyp turmasa, bettiń shyraıy kirýi qıyn.  

Oqýǵa keńes beremiz:

Uıyqtar aldynda sportpen aınalysýǵa bolady ma?

Júzý sporty jáne paıdasy

Sizderdiń ýaqyttaryńyz joq shyǵar. Degenmen, nıet qylsańyz, jattyǵý jasaýǵa kún saıyn 20-30 mınýt tabý op-ońaı ekenine tań-tamasha bolasyz. Bastysy — alǵashqy nátıjelerdi kórý.  

Jattyǵýǵa 20 mınýtty qaıdan tabýǵa bolady? Mysaly, áleýmettik jelilerde jazǵan posttaryńyzǵa basylǵan laıktardy tekserýdi sál sıretińiz.  

Al elektrondy túrdegi qandaı da bir qujatty nemese kitapty oqyǵan kezde «Mazalamaý» rejımin qoıyp qoıyńyz. Osylaı qylsańyz, kóńilińiz alańdamaı oqısyz, ıaǵnı qajetti materıalmen tezirek tanysyp shyǵasyz. Al neshe túrli habarlamalarǵa jaýapty berý eshqaıda qashpaıdy, artynan úlgeresiz.   

Qoldanyp kórińiz. Ońdy nátıjesin uzaq kútpeısiz.

Oqýǵa keńes beremiz:

Teriniń qartaıýyn baıaýlatatyn kollagen qosylǵan 10 ónim

Shyntaqtaǵy teri nege qurǵaqtanady jáne bulaı bolmaýy úshin ne isteý kerek

Teri úshin paıdaly ósimdikter

Zattar almasýy

Atopıalyq dermatıt

Dermatıt

Teri obyry

Ekzema

---