InfoHub Logo

Qanjyǵaly qart Bógenbaı seksennen asqan shaǵynda sharýa jaıymen japan dalada jalǵyz kele jatyp, eldiń qarasy kóringen soń «atymdy tań asyramyn ǵoı, shaldyryp baraıyn» dep atynyń aýyzdyǵyn alyp, aıylyn bosatyp, shylbyrdan uzyn ǵyp ustap, bir tasqa qısaıyp, shaqshasyn alyp, nasybaıyn atypty. Shaqshasyn tastyń ústine qoıyp, atyn shaldyryp otyrǵanda, aıǵyr mingen bir jas jigit jetip kelip, sálem joq, saýqat joq:

— Áı, shal, ana shaqshańdy ákelshi, — depti.

Qart Bógenbaı shyntaqtap jatyp, at ústindegi jas jigitke shaqshany usynady. Anaý shaqshadan nasybaıdy atady daǵy:

— Áı, shal, myna shaqsha saǵan emes, maǵan laıyqty eken, — dep saptama etiktiń qonyshyna súńgitip jiberip tura shabady.

Qart Bógenbaı atyp turyp: «Qap, myna balanyń qorlyǵy-aı», — dep atynyń aýyzdyǵyn salyp, aıylyn tartyp, tura qýady. Bógenbaı osal at mine me, álgindeı bolmaı balany qýyp jetip, attyń ústinen julyp alyp, aldyna óńgerip alady da, etiktiń qonyshyndaǵy shaqshany alyp, alaqanyna toltyryp turyp nasybaı alady da, balaǵa:

— Ash aýzyńdy!, — depti. Bir alaqan nasybaıdy balanyń aýzyna tastap jiberip:

— Bar, ákeńe. «Bógenbaı ákemniń na- sybaıyna toıǵanym-aı» dep aıta bar, — dep attan silkip tastaıdy.

Dáýletke mastanǵan baı balasy eser kelmeı me?! Álgi jigit te sol aýyldaǵy bir baıdyń balasy eken. Bala kórgen-baqqanyn ákesine aıtyp keledi. Ákesi kisiniń Qanjyǵaly qart Bógenbaı ekenin bilip, sońynan kisi jiberip qaıtaryp alady da, eser bala úshin at-shapan aıyp tólegen eken.

---