InfoHub Logo

Qaraǵandy oblysynyń ákimi Nurmuhambet Ábdibekov apparat jıyny barysynda aýyldaǵy bilim sapasy men qoljetimdiligin qamtamasyz etýd itapsyrdy. Otyrystyń negizgi kúntártibi aýyldyq óńirlerdegi bilim berýdi damytý jáne tirek mektepterdiń tıimdilik máselesi boldy, dep habarlady oblys ákimdiginiń baspasóz qyzmetinen.

«Mektepterdiń 46 paıyzdan astamy shaǵyn jınaqtalǵan ári basym bóligi aýyldyq jerlerde. Aǵymdaǵy oqý jylynda olarda 15 myńnan astam bala nemese jalpy oqýshylardyń 9 paıyzy bilim alýda. Olarǵa 4117 ustaz bilim berýde. 2 jalpy bilim beretin mektep, 2 balabaqsha men 1 japsarlas nysan paıdalanýǵa berildi.  Aýyldarda ornalasqan apatty mektepterdiń sany 1,5 paıyzdan 0,3 paıyzǵa deıin qysqardy. Osy jyly Ulytaý jáne Jańaarqa aýdandaryna qarasty aýyldarda taǵy 2 mektep qurylysy  aıaqtalady. Munan bólek, 11 mektepke 458 mln. teńge somaǵa kúrdeli, 78 mektepte 893,6 mln. teńge somaǵa aǵymdyq jóndeý júrgiziledi. Aýyldyq mektepterdiń 75,5 paıyzy keń jolaqty ınternetke qosylǵan, joǵary bilimi bar ustazdardń sany 78,7 paıyzǵa deıin ulǵaıdy», - dedi oblystyq bilim berý basqarmasynyń basshysy Ashat Aımaǵambetov.

Onyń atap ótýinshe, Úshtildi bilim berýdi damytýdyń Jol kartasyn júzege asyrý aıasynda 9 aýyldyq balabaqshada birneshe tilde oqytý qolǵa alynǵan.

«Degenmen, aýyldyq shaǵyn jınaqtalǵan mektepterde birqatar problema bar. Onyń birinshisi - oqýshylar sanynyń az bolýyna baılanysty pedagogıkalyq júktemeniń tómendiginen bilikti kadrlardyń jetispeýshiligi. Ekinshisi - nashar materıaldyq-tehnıkalyq baza. Úshinshisi - keń jolaqty ınternettiń joqtyǵy men jyldamdyǵynyń tómendi.Bul problemalardy sheshý úshin bilim berý basqarmasy birqatar jumystar júrgizýde. Atap aıtqanda, aýdandyq aýyldarǵa daryndy balalarǵa arnalǵan oblystyq mamandandyrylǵan mektepterdiń ádistemelik kómek kórsetýi bekitilgen. Daryndy balalardy anyqtaý úshin jyl saıyn aýyldyq oqýshylar arasynda kóshpeli pándik olımpıadalar ótkiziledi. Jeńimpazdarǵa oblystyq jáne respýblıkalyq olımpıadalar men konkýrstarǵa qatysýǵa daıyndyq uıymdastyrylady. Nátıjesinde oblystyq olımpıadaǵa qatysatyn aýyl mektepteri oqýshylarynyń qatysýy 20 paıyzǵa, oblystyq týrǵa ǵylymı jobalaryn usynǵan oqýshylar sany 15 paıyzǵa ósti», - dedi ol.

Baıandamany tyńdaǵan Nurmuhambet Ábdibekov aýyl ákimderine birqatar naqtylaýshy saýaldar qoıyp, odan keıin tapsyralar berdi. Tirek mektepterdiń qyzmetin úılestirý jumystaryn jalǵastyrýdy jáne aýyldaǵy bilim sapasy men qoljetimdiligin qamtamasyz etý maqsatynda olardy odan ary damytýdy tapsyrdy.

---