InfoHub Logo

Informatıka páninen ashyq sabaq
Synyby: 5
Sabaqtyń taqyryby: Qarapaıym mátindik redaktory. Redaktor ınterfeısi (slaıdymen)
Sabaqtyń maqsaty: Oqýshylardy WordPad. mátindik redaktorymen tanystyrý.
Bilimdilik: WordPad. mátindik redaktorynyń terezesi týraly túsinik berý, mátinmen jumysqa daǵdylandyrý, qujattardy qurýǵa, ashýǵa, kompúterde mátinderdi óńdeýdiń artyqshylyqtary men kemshilikterin, mátindik qujatty ár formada saqtaýdy úıretý;
Tárbıelilik: Oqýshylardy tárbıelilikke, uqyptylyqqa, tıanaqtylyqqa úıretý;
Damytýshylyq: Oqýshylardyń oılaý qabiletin, logıkalyq - abstraksıasyn damytý.
Sabaqtyń túri: dástúrli sabaq
Sabaqtyń túri: oıyn sabaq, suraq - jaýap.
Sabaqta qoldanylatyn kórnekti quraldar: kompúter, oqýlyq, jumys dápteri, ınteraktıvti taqta.

Sabaqtyń ótý barysy:
1. Uıymdastyrý bólimi.
2. Ótken taqyrypty eske túsirý.
3. Jańa taqyrypty túsindirý.
4. Tapsyrmalardy oryndaý
5. Sergitý kezeńi
6. Sabaqty bekitý.
7. Baǵalaý
8. Úıge tapsyrma berý.
Sabaǵymyzdy baǵalaý úshin durys jaýap bergen oqýshylarǵa 1 smaılıkten berip turamyn.

İ. Ótken taqyrypty eske túsir.
Sonymen balalar ótken toqsanda biz Paint grafıkalyq redaktory týraly ótken bolatynbyz. Esimizge túsirý úshin men sizderge myna tapsyrmalardy beremin. Men kespe qaǵazdaryn daıyndap qoıdym. Ózderiń tańdap alǵan kespe qaǵazdarda túrli tapsyrmalar bar. Olar taqtada, kompúterde oryndaıtyn tapsyrmalar jáne suraqtar bar. Synyptaǵy 18 oqýshyǵa arnalǵan 18 tapsyrmany kezekpen kelip sýyra qoıaıyq. Kespedegi tapsyrmany birtindep kelip oryndaımyz.
♦Taqtaǵa shyǵyp «Qys» mezgili taqyrybynda sýret salý. Salynǵan sýretke qys mezgili týraly 4 jol óleń engiz jáne sýretti saqta.
♦ Paint redaktory degenimiz ne?
♦ Paint redaktorynmen qalaı jumys jasaımyz?
♦ Paint redaktorynyń sýret salý quraldaryn týraly ne bilemiz?
♦ Sýret salý, ashý jáne saqtaý.
♦ Paint redaktorynyń terezesin kim túsindirip beredi?
♦ Paint redaktorynda tústerdi qalaı ózgertemiz
♦ Sýretti basyp shyǵarý úshin beriletin buıryq?
Al balalar endi aramyzda kim tapqyrda, jyldam ekenin anyqtaý úshin ekranǵa nazar aýdaraıyq.

18 kespe qaǵazy beriledi. Balalar tez ári durys jaýap beredi.
İİİ. Jańa túsinikter:
Bizdiń árqaısymyz qandaı da bir jazbalardy turaqty oryndaımyz: sender úı tapsyrmasyn oryndaısyńdar, hattar mn habarlamalar jazasyńdar, keıbireý óleń jazdy jáne t. s. s. Keıde ózderiń qoljazba mátinin de oqýǵa týra keledi. Ol kitap oqyǵannan álde qaıda qıynyraq. Barlyq sózderdi anyqtaǵansha qanshama ýaqyt ótedi. Qaısybir sózdi qate oqýyńda múmkin. Nátıjesinde mátindi qate túsinesiń.
Arnaıy programmalardyń – mátindik redaktordyń kómegimen kez - kelgen mátindi ońaı jáne tez qurýǵa jáne bezendirýge bolady. Kompúterde mátinmen jumys isteý óte yńǵaıly:
♦ mátin - saqtaý úshin az oryn talap etedi;
♦ kerek emes mátinniń ornyna jańasyn ońaı jazýǵa;
♦ mátindi ońaı kóshirýge, jóneltýge bolady;
♦ óz qujattaryńdy túzetýge;
♦ qujatyńdy sýrettermen bezendirýge bolady.
WordPad mátindik redaktor – qarapaıym mátindik qujattardy jasaýǵa múmkindik beredi.
Mátindik redaktor – ol mynadaı múmkindikter beretin qoldanbaly programma:
● Mátindik qujattardy qurýǵa;
● Olardy ózgertýge, ıaǵnı, qatelerin túzetýge, kóshirýge, joıýǵa jáne qosýǵa, izdeý men almastyrý júrgizýge;
● Mátindi pishimdeýge – áriptiń mólsheri men túsin, abzastyń qasıetterin jáne basqalardyń qasıetterin ózgertýge;
● Qujatty basyp shyǵarýǵa.
WordPad mátindik redaktoryn iske qosý úshin, kelesi áreketterdi oryndaımyz: Pýsk - Programmy - Standartnye - WordPad.

Redaktor iske qosylǵannan keıin ekranǵa WordPad mátindik redaktorynyń terezesi ashylady.

WordPad mátindik redaktorynyń terezesimen tanys bolaıyq.
(9, 10, 11, 12 slaıd)
Mátindik redaktorlar jumys jasaıtyn derekter – mátindik aqparat, onyń eń kishkentaı birligi sımvol bolyp tabylady. Sóz – bir – birinen tynys belgilerimen nemese bos oryndarmen ajyratylyp jazylǵan sımvoldar tizbegi. Sózderdiń arasynda jáne tynys belgisinen keıin bir bos oryn qoıylady. Mátinniń elementteri: sımvol – sóz - jol – abzas - bet - mátin.
Abzastar bir - birinen arnaıy «abzastyń sońy» sımvolymen ajyratylyp jazylady.
Kez kelgen qujattyń kem degende bir abzasy bar. Abzastarǵa taqyryptar men tizimderdiń elementteri de jatady.

Abzastyń eń negizgi qasıetteri:
 Áriptiń garnıtýrasy, keskin syzyǵy, mólsheri;
 Mátindi túzeý tásilderi;
 Sheginister men ıntervaldar.

Tapsyrmalar:
Kompúterde tájirıbelik jumystar jasaý. Oqýlyǵymyzdyń 157 betin ashyp tájirıbelik jumys jasaımyz.
1 - tájirıbe.
2 - tájirıbe.
Al balalar kompúterde jumys jasap bolsaq bárimiz sergitý jattyǵýlaryn jasaımyz. Bárimiz meniń kórsetken is - qımylymdy qaıtalaısyńdar.
Sabaqty bekitý suraqtary:
 Kompúterde mátindik aqparatpen jumys isteýdiń artyqshylyqtary men kemshilikterin atańdar?
 WordPad mátindik redaktorynyń atqaratyn qyzmeti qandaı?
 WordPad mátindik redaktoryn qalaı iske qosamyz?
 WordPad mátindik redaktorynyń terezesiniń bólikterin atańdar.
 WordPad mátindik redaktorynda qujat qurý satylaryn atańdar.
 Mátinniń qarpin, ólshemin, álpetin qalaı ózgertemiz?
 Mátindi tegisteýdiń qandaı túrleri bar, olar qalaı oryndalady?
Salystyr. Paint grafıkalyq redaktory menWordPad mátindik redaktorynyń uqsastyǵy men aıyrmashylyǵyn salystyryp kóreıik. Al balalar kim salystyryp aıtyp beredi?

Baǵalaý: Oqýshylardyń bilimin baǵalaý. Jınaǵan smaılıkterine baılanysty baǵalanady.
Qorytyndylaý: Suraqtarǵa bergen jaýaptaryn tolyqtyra otyryp, sabaqty qorytyndylaý.
Úıge tapsyrma: Qarapaıym mátindik redaktory. Redaktor ınterfeısi. §19 taqyryptar.
"Meniń synybym" atty taqyrypqa áńgime jazý. 2 tájirıbelik jumysty oryndap kelý