InfoHub Logo

Taqyryby: Qarym - qatynas jasap úıreneıik
Qatysatyndar: MADS balalary

Maqsaty: MADS balalaryna zertteý, jattyǵý jumystaryn jasatý arqyly aınalasyndaǵy adamdarmen jaǵymdy qarym - qatynas jasaýǵa, úlkenderdi syılaýǵa, kishige qurmet kórsetýge tárbıeleý
Ádisi: Oıyndar, suraq - jaýap, oı - pikir aıtý, t. b.
Trenıń barysy:
Uıymdastyrý kezeńi(Trenıń barysymen tanystyrý)
1. Sálemdesý
2. Tanysý
3. «Sheńberdi buzyp kir»oıyny
4. «Jaqyn jáne tanystar»oıyny
5. «Saqınalar» oıyny
6. Sergitý sáti
7. Refleksıa

İ. Sálemdesý.
Maqsaty: Balalardy biriktirip, ózara senim jaǵdaıyn qurady jáne amandasý, sálemdesý jaıly túsinik beriledi.
Oıyn barysy: Balalar sheńber quryp turady. Amandyq, sálemdesý sózderin ándetip aıtady.
Psıholog: - Sálemetsizder me, balalar?
- Sálemetsiz be, apaı?
- Qaıyrly tań, barlyq jaqsylyq ózimizge (psıholog ta, balalar da qoldaryn joǵary qaratyp jaıyp, sonan soń kókirekterine qoıady.)

İİ. Tanysý.
Sheńber boıymen turyp, oıynshyqty bir - birine berý arqyly, úıdegi ata - analary erkeletip aıtatyn esimderi men shyn esimderin aıtyp shyǵý qajet. Balalardyń ózderine qaısy esimderi unaıtynyn áńgimelesý arqyly bilip, sol esimderin trenıń barysynda qoldaný.

İİİ.«Sheńberdi buzyp kir»oıyny
Maqsaty: Ózine - ózi senýge, jasqanshaqtyqty jeńe bilýge, balalar ujymyna kirýge kómektesý.
Nusqaý: Balalarmen qarym - qatynas jasaýda qıyndyq kóretin balalardy jeke alyp qalady. Qalǵandary bir - biriniń qolynan qatty ustap, sheńber jasap turady. Bala qatty júgirip kelip, sheńberdi buzyp kirýi kerek.

IV.«Jaqyn jáne tanystar»oıyny
Maqsaty: Balalar oıyn arqyly ańǵarympazdyqqa, bir - biriniń erekshelikterine mán berýge úırenedi.
1. Eń uzyn jáne eń qysqa.
Baqylaýdy tekserip turatyn eki bala qalǵandaryna arqasymen turady. Qalǵandary bir túzýdiń boıyna boı - boılarymen turady. Júrgizýshi ana balaǵa myna, balaǵa kezek - kezek suraq qoıady:
- Osy jerde eń boıy uzyn kim?
- Eń qysqasy kim?
- Ret - retimen eń uzynynan, eń qysqasyna deıin atap berińizder. Sodan keıin jańadan júrgizýshiler men jańa oıynshylar shyǵady.

2. Kózdiń jáne shashtyń túsi
Júrgizýshi qasyndaǵy baqylaýshyǵa oıynshylardyń qaısysynyń kóziniń jáne shashynyń túsi qandaı ekenin esine túsirip, aıtyp berýi kerek.

3. Kıimderi, kostúmniń tústeri, bólikteri
Munda mynadaı suraqtar qoıylady:
- İshimizde qaısymyzdyń syrtqy kıimimizdiń túımesi bar? Juldyzshalar? Temirleri?
- Búgingi kún úshin kim qyzyl, aq, sary kıimderdi tańdady?
- İshimizde kimniń kıimderiniń úlgileri birdeı? t. b.

V.«Saqınalar» oıyny
Oıynshylar dóńgelenip otyrady, baılaýly turǵan jipti eki qoldarymen ustaıdy. Jiptiń ortasyna saqına kirgiziledi.. Oıynshylar ol saqınany kezek – kezek qoldarymen tyǵyp otyrady. Jańadan kelgen júrgizýshi saqına kimniń qolyna jasyrylǵanyn tabýy qajet. Kimniń qolynan saqına tabylsa, sol júrgizýshi bolady. Al saqınany taba almasa, ol óleń aıtyp beredi.

VI. Sergitý sáti.
Maqsaty: MADS balalary arasynda mýzyka qoıyp, eki qatarǵa turǵyzyp, kezek - kezek bıge shaqyrtyp, bıletip, jaǵymdy emosıalar qalyptastyrý, kóńil - kúıin kóterý.

VII. Refleksıa.(Trenıń sabaqty qorytý)
- Balalar, senderge búgingi sabaǵymyz unady ma? (Oqýshylardyń oıyn tyńdaý, oı bólisýge úıretý)