InfoHub Logo

Ómir – kúıme arbamen júrý sıaqty. Barlyǵy jaqsy bola tura, joldyń tasty bóligine jetkendegi silikinisten qorǵana almaýyńyz múmkin. Al ómirde joldaǵy tastardyń rólin túrli jaǵdaılar atqarady.

 «Bank Hoým Kredıttiń» komplaens qyzmetiniń jetekshisi Denıs Lýtto and.kz aqparattyq portalyna «Stop tyrma!» jobasyna bergen suhbatynda qosymsha shyǵyndar bolǵan jaǵdaıda nesıe tóleminiń merzimin ótkizip almaý úshin ne isteý kerektigin atap aıtty.

Denıs Lýtto

 «Bank Hoým Kredıttiń» komplaens qyzmetiniń jetekshisi

Kútpegen jaǵdaılar

Adamı qasıetterdi joǵaltpaǵan bank bolyp qalý biz úshin óte mańyzdy. Sondyqtan bizdiń klıentterimizdiń ár jaǵdaıyn jekeleı qarastyramyz. Eger sebepterdiń negizi mańyzdy bolsa «Hoým Kredıt Banki» qaıta qarjylandyrý, aıyppul men tólemaqy ósimin esepten shyǵarý nemese tólemdi keıinge qaldyrýdy qarastyra alady.
Qazaqstannyń birqatar aımaqtaryn sel basqanda, ákimshilik qyzmetteri apatqa ushyraǵan adamdarǵa Bank aldyndaǵy qarjylyq mindettemelerine qatysty qol ushyn sozýdy surady. Olar bizge óz ótinishterin jiberip, qolaısyz jaǵdaıdy sıpattap, ony qujattarmen rastaǵannan keıin, bizdiń kredıt komıtetimiz barlyq jınalǵan aıyppuldar men tólemaqy ósimin esepten shyǵaryp, qaryzdardy jabý múmkindigin qarastyrdy.

Bank kómek kórsete alýy úshin, mundaı jaǵdaılarda eń bastysy — múlikke keltirilgen zıan mólsherin rastaıtyn qujattardy jedel berý. Ókinishke oraı, basqa bireýdiń qaıǵysyn paıdalanyp óziniń qarjylyq mindettemelerimen baılanysty máselelerin sheshýge tyrysatyn klıentter de kezdesedi. Sondyqtan qaryz alýshynyń keltirgen dáıekteriniń ras-ótirigin tekserip anyqtaımyz.

Sonymen qatar, mundaı máseleler tek tabıǵı apat jaǵdaılarynda ǵana qarastyrylyp qoımaıdy. Eger adamnyń máselesi shyn máninde salmaqty bolsa, bizdiń kredıt komıtetimiz jaǵdaıyn túsinip, ońtaıly sheshim qabyldaýǵa daıyn.

Otbasynyń ulǵaıýy

Sondaı-aq, josparlarymyzdy qaıta qarastyratyn qýanyshty jaǵdaılar da bar. Mysaly, balanyń týýy sıaqty jaýapty qadam. Jas ata-analarda shyǵyndyryn josparlap alý úshin toǵyz aıy bar. Eger Bank klıentteri balanyń týylýyna qatysty qaryzdy óteý sharttaryn ózgertkileri kelip (qaıta qarjylandyrý), qarjy ınstıtýtyna aldyn-ala habarlasa, árıne, biz olardyń ótinishterin qarap shyǵamyz, biraq bul kóp jaǵdaıda klıentke eń qajettisi emes. Adamdar bir oqıǵanyń saldarynan, mysaly, órttiń sebebinen úıinen, jol apaty sebebinen otbasy asyraýshysynan aıyrylyp nemese qaraqshylyqtyń  qurbany bolýy múmkin. Endi bul jaǵdaıda «Qaıyrǵa otyryp qalmaý úshin» shyn máninde aldaǵy qarjylyq shyǵyndardy retteý qajet.

Qarjylyq josparlaý boıynsha keńester

 

1. Qajettilik nemese naz?

Kredıt almaı turyp jaqsylap oılanyńyz: qaryzǵa alynatyn aqsha sizge qanshalyqty qajet? Olar keıinnen qıyn másele týdyrmaıdy ma?

2. Tabysyńyzdy saralańyz

Bankten qaryz aqsha alǵanda nemese odan aldyn ózińizdiń qarjy jaǵdaıyńyzdy jobalap esepteýińiz kerek. Tek kepildigi bar shynaıy tabysty negizge alý qajet. Ókinishke oraı, bul barlyǵynda bar emes. Bireý jaldamaly menedjer bolyp, maýsymdyq jumys isteýi múmkin, al bireý bonýstyq tólemderge táýeldi nemese bastapqy kezeńderde ózin-ózi dereý aqtamaıtyn kásipkerlikpen aınalysa bastaǵan bolýy múmkin.  Kepildendirilgen tabys bolmaǵan jaǵdaıda kredıt júgin kótere alyp nemese almaıtyndyǵyńyzdy jaqsylap oılanyńyz. 

3. Qarjylaı «backup»-ńyz bolsyn

Árdaıym qolyńyzda bankke aı saıyn tóleıtin mólsherdegi bólek qarjyńyz bolsyn. Ómirde túrli jaǵdaılar bolýy múmkin. Mysaly adam jumysynan aıyrylyp qalyp jáne bank aldynda mindettemeleri bolsa, shaǵyn jınaqtalǵan qarjynyń da úlken paıdasy bar.

4. Kútpegen jaǵdaı oryn alsa ne isteý kerek?

— Keńes alý úshin bankke habarlasyńyz.

— Tólemderdiń qurylymyn qaıta qaraý úshin (nemese tólemaqy ósimin, aıyppuldy esepten shyǵarý úshin) ótinish berińiz.

— Ýaqytsha tólem jasaı almaıtyn ýájdi sebebińizdi kórsetińiz (aýyryp qalý, jumyssyz qalý, tabıǵı apat, balanyń týylýy jáne t.b.).

— Qaryzdy alǵashqy múmkindik týa sala óteıtindigińizdi bank qyzmetkerine jetkizińiz.

— Sizdiń qarjylyq jaǵdaıyńyzdaǵy ózgeristerdi rastaıtyn barlyq qujattardy tapsyryńyz.

---