Qashyqtan oqytý keıbir balalarǵa jaqsy áser etti — Asqat Aımaǵambetov
QR Bilim jáne ǵylam mınıstri Asqat Aımaǵambetov qashyqtan oqytý keıbir balalarǵa jaqsy áser etkenin aıtty.
«Ár aptanyń senbisinde onlaın rejımde muǵalimdermen pikir almasamyn. Biz saladaǵy máselelerdi talqylaımyz. Osy oraıda ustazdar balalardyń oqý úlgerimine qatysty málimetterdi aıtady. Olardyń sózinshe, osyǵan deıin jaqsy oqyǵan balalardyń sabaq úlgerimi nasharlamady. Olar burynǵysynsha jaqsy yntamen sabaqtaryn jalǵastyrǵan, ıaǵnı bilim sapasyn joǵaltpaǵan», — dedi A. Aımaǵambetov onlaın baspasóz máslıhatynda.
Sonymen qatar, ol qashyqtan oqytý keıbir balalarǵa ońtaıly áser etkenin aıtty.
«Dástúrli formatta oqyǵan kezde tuıyqtaý bala retinde kóringenderde ózgerister bolǵan. Áriptesterdiń habarlaýynsha, bul balalar ashylyp, ózderin jańa qyrynan kórsetken. Olar ózderiniń oılaryn, tujyrymyn ashyq aıta bastaǵan», — dedi mınıstr.
Sóz sońynda ol mınıstrlik úshin burynǵydaı dástúrli kúndizgi oqytý qolaıly ekenin atap ótti.
You Might Also Like
-
2020 jyly Ulttyq biryńǵaı testileý ótkiziledi. Bul týraly QR Bilim jáne ǵylam mınıstri Asqat Aımaǵambetov málim etti.
-
QR Bilim jáne ǵylam mınıstri Asqat Aımaǵambetov bıyl oqýshylarǵa atestat tapsyrý rásimi qalaı ótetinin aıtyp berdi.
