Bilim mınıstri atestat tapsyrý sharasy qalaı ótetinin túsindirdi
QR Bilim jáne ǵylam mınıstri Asqat Aımaǵambetov bıyl oqýshylarǵa atestat tapsyrý rásimi qalaı ótetinin aıtyp berdi.
«Osyǵan deıin oqý jylynyń aıaqtalýyna oraı, 25 mamyrda dástúrli túrde sońǵy qońyraý soǵylyp keldi, ıaǵnı mektep bitiretin 9 jáne 11-synyp oqýshylary bar. Elimizde tórtinshi toqsan qashyqtan oqytý formatynda ótip jatyr jáne 25 mamyrda mektepte eshkim bolmaıdy. Dástúrli formatta mektepte qońyraý soǵylmaıdy. 25 mamyrda sońǵy qońyraýdy onlaın formatta ótkizýdi josparlap otyrmyz», — dedi A. Aımaǵambetov onlaın tártipte ótken baspasóz máslıhatynda.
Sonymen qatar mınıstr atestat tapsyrý sharalaryna qatysty toqtaldy.
«3-4 maýsymda 11 synyp úshin atestat tapsyrý ótkiziledi. Osy oraıda Densaýlyq saqtaý mınıstrligimen keńes júrgizdik. Qazirgi jaǵdaıǵa qaramastan, atalǵan merzimde 11 synypqa arnap atestatty saltanatty túrde tapsyrý rásimin ótkizýdi josparlyp otyrmyz. Sonymen birge, olar úshin sońǵy qońyraýdy uıymdastyramyz», — dep túsindirdi vedomstvo basshysy.
Onyń sózine qaraǵanda, atalǵan shara aıasynda birqatar shekteýler bolady.
«Sanıtarlyq talaptar qatań saqtalady. Balalardyń, pedagogtardyń qaýipsizdigine aıryqsha ekpin qoıamyz, medısınalyq masqa taǵý mindetti bolady. Bul shara aýlada, ıaǵnı ashyq keńistikte ótedi. Ár synyp óziniń sharasyn jekeleı uıymdastyrady. Araqashyqtyqty saqtaý úshin arnaıy belgiler qoıylady», — dedi mınıstr.
You Might Also Like
-
QR Bilim jáne ǵylam mınıstri Asqat Aımaǵambetov qashyqtan oqytý keıbir balalarǵa jaqsy áser etkenin aıtty.
-
«Anamyzdyń aq sútimen boıymyzǵa daryǵan tilimizdi umytý – búkil ata-babamyzdy, tarıhymyzdy umytý», – dep erjúrek Baýyrjan Momyshuly aıtqandaı ózimizdiń ata-babamyzǵa degen qu...
