Bilim mınıstri UBT qalaı ótetinin túsindirdi
2020 jyly Ulttyq biryńǵaı testileý ótkiziledi. Bul týraly QR Bilim jáne ǵylam mınıstri Asqat Aımaǵambetov málim etti.
«Ulttyq biryńǵaı testileý belgilengen merzimde ótedi dep josparlanýda, ıaǵnı maýsymnyń sońy men shildeniń basy aralyǵynda. Qazir daıyndyq jumystary qarqyndy júrip jatyr. Aldaǵy aptanyń seısebisinde ótetin apparat keńesinde UBT-ǵa daıyndyq taqyrybyn talqylaımyz. Árıne, bul baǵytta UBT-ny ótkizý kezinde sanıtarlyq talaptar men sanıtarlyq-epıdemıologıalyq sharalardy kúsheıtýge aıryqsha nazar aýdarylady», — dedi A. Aımaǵambetov onlaın baspasóz máslıhatynda.
Onyń sózine qaraǵanda, araqashyqtyqty saqtaý maqsatynda UBT tapsyrý kezinde aýdıtorıadaǵy adamdar sany barynsha qysqartylady.
«Maska, respıratorlar taǵý mindetti bolady. Sonymen qatar, aýdıtorıany jeldetý jumystary iske asyrylady. Qazir osy máselelermen aınalysyp jatyrmyz. Bıyl qujat tapsyrý tolyqtaı elektrondy tártipte ótti. 131 myń bala qujattaryn tapsyryp úlgerdi», — dedi mınıstr.
You Might Also Like
-
Tula boıy tarıhqa tunǵan elimizdegi eń úzdik joǵary oqý oryndarynyń biri ári biregeıi ál-Farabı atyndaǵy Qazaq Ulttyq ýnıversıteti búginde aldyńǵy qatarly oqý orny bolyp tabylady. Qazaq halqynyń b...
-
QR Bilim jáne ǵylam mınıstri Asqat Aımaǵambetov qashyqtan oqytý keıbir balalarǵa jaqsy áser etkenin aıtty.
