InfoHub Logo

Sabaqtyń taqyryby: Qasym Amanjolov «Ózim týraly» óleńi
Sabaqtyń maqsaty:
 Bilimdilik: Qasym Amanjolovtyń ómiri men shyǵarmashylyǵy jaıynda túsinik berý, aqyn tiliniń ereksheligin tanyp, óleńniń mán - maǵynasyn ashý;
 Damytýshylyq: STO strategıalaryn paıdalana otyryp oqýshylardyń óz betimen jumys isteı bilýine, óz oıyn erkin aıta bilýge, shyǵarmashylyq qabiletterin damyta túsýge daǵdylandyrý;
 Tárbıelik: Aqynnyń óleńi arqyly oqýshylardyń týǵan jerin, týǵan tili ana tilin qasterleýge, adamgershilikke shydamdylyqqa, qaırattylyqqa tárbıeleý;
Sabaqtyń tıpi: Jańa bilim berý
Strategıalary: «Toptastyrý», «Eki jaqty kúndelik», «Klasster», «Erkin jazý», «Bes joldy óleń», «Sońǵy sózdi men aıtaıyn»
Sabaqtyń ádisi: Túsindirý, syn turǵysynan oılaý, taldaý jasaý, óz pikirin qorǵaý.
Sabaqtyń kórnekiligi: Q. Amanjolov ómiri jaıly vıdeo, aqynnyń sýreti.
Sabaqtyń barysy:
Uıymdastyrý kezeńi
Oqýshylarmen amandasý
Oqýshylardy túgendeý
Psıhologıalyq daıyndyq
Úı tapsyrmasyn suraý
Úı tapsyrmasyn «Kýbızm» ádisin paıdalana otyryp suraımyn, ıaǵnı oqýshylar kýbıktiń qaı qyry túsedi sol suraqqa jaýap beredi.
Isa Baızaqov kim?
Isa Baızaqovtyń týǵan jeri?
«Quralaı sulý» poemasynyń avtory kim?
Quralaı sulýdy unatqan jigittiń esimi?
Poemada qandaı bıdiń esimi kezdesedi?
Poema qalaı aıaqtalady?

İ Qyzyǵýshylyqty oıatý
Taqtaǵa Qasym Amanjolovtyń sýreti ilinedi. Oqýshylar boljaý arqyly «Bul kim?» degen suraqqa jaýap beredi.

İİ Maǵynany taný
1. Qasym Amanjolovtyń ómiri men shyǵarmashylyǵy jaıly vıdeo kórsetiledi.
2. Oqýshylar túsingenderin klasster syzý arqyly aıtyp beredi.

3. «Ózim týraly» óleńin mánerlep oqyp shyǵamyn.
4. Oqýshylar jekeleı ishterinen oqyp shyǵady.
Toppen jumys
Topqa bólý úshin oqýshylarǵa «Qys», «Qazaq tili», «Shákirt oıy» óleńderiniń bir shýmaqtarynan óleń joldaryn beremin. Oqýshylar árqaısysy óleńge sáıkes joldaryn tabý arqyly óz toptaryn qurady.
İ top Óleńde aqyn bolashaq urpaqqa ne aıtqysy keldi? Qandaı joldardan mysal keltirer edińder?
İİ top Óleńnen aqynnyń aqyndyq uly maqsatyn aıqyndaıtyn óleń joldaryn taýyp, túsindirińder. Óleńnen kórkemdegish - beıneleýish tásilderdi terińder.
İİİ top Óleńdi oqı otyra aqynǵa minezdeme ber. Aqynnyń boıyndaǵy adamgershilik qasıetterdi tanytatyn óleń joldaryn tabyńdar.
«Eki jaqty kúndelik» Oqýshylar birinshi jekeleı oryndaıdy, ekinshi juppen, sosyn toppen aqyldasyp ortaq bir kesteni ortaǵa shyǵyp oqıdy.

Óleńnen úzindi
Meniń kózqarasym
Ómir joq túsken jerde bir arnaǵa,
Kóp kúttim, kóp tiledim qumarlana.
Qaıteıin, jeter emes qysqa ómirim,
Alystan kóringenmen qumarlana Aqyn armany sheksiz, biraq sol armanyn júzege asyrýǵa ýaqyt jetpeıtindigin, óziniń ómiriniń qysqa bolatyndyǵyn sezgendigi kórinip tur.
Qasymmyn, sol baıaǵy bir Qasymmyn,
Baqytyn oılamaımyn qur basymnyń.
Tymyrsyq túnek bolsań – dushpanyńmyn,
Aq kóńil adal bolsań – syrlasyńmyn. Aqynnyń keń peıil, jaıdary minezin baıqaımyz. Aqtyqty, adaldyqty súıetin ózi de pák aqyn dep bilemiz.

İİİ Oı tolǵanys
İ top «Bes mınýttyq esse» jazý. «Qasym aǵanyń armany...»
İİ top «Bes joldy óleń» quraıdy.
1. Qasym
2. Keń peıil, daýylpaz
3. Jazady, armandaıdy
4. Eliniń daýylpaz aqyny - Qasym aǵa!
5. Aqyn
İİİ top «Sońǵy sózdi biz aıtamyz..»
Qorytyndy. Qasym Amanjolov – ózi aıtqandaı eliniń erke aqyny. Qansha ǵasyr, qansha jyl ótse de solaı bolyp qala bermek! Az ǵana ǵumyr keship ádebıetimizge zor úlesin qosyp ketken daýylpaz aqyndy urpaǵy máńgi jadynda saqtap, máńgi maqtan tutpaq!
Úı tapsyrmasy: «Ózim týraly» óleńinen úzindi jattaý.
Baǵalaý.