InfoHub Logo

«Qazan» kúıine qatysty el ishinde mynadaı bir sóz bar. Yqylas óz kindiginen Túsipbek, Maqulbaı, Aqynbaı degen úsh ul kórgen. Úsheýi de áke ónerin shashaý shyǵarmaı, boılaryna darytqan qobyzshylar bolǵan.

Osylardyń ishinde úlkeni bolǵan soń erterek sharýaǵa aralasyp, aǵaıynǵa bas-kóz bolǵany Túsipbek. Eti tiri Túsipbektiń qotanyna mal bitip, saýdasy sátimen júrip, ájeptáýir dáýlet ıesi bolǵan adam.

Bir jyly Arqa baılary men seriktesip İrbit jármeńkesine kire tartady. Ózimen birge «ári serik bolasyńdar, ári el-jer kóresińder» dep, ákesi Yqylas pen inisi Maqulbaıdy ertip alady.

İrbit jármeńkesinde saýdasy sátimen júrgen Arqa baılary irgede tıip turǵan Qazan qalasynyń qazynaly dúkenderine soǵa júrýdi nıet etedi. Birge kelip, bólek qaıtýdyń qısynyn tappaǵan Túsipbekter de amalsyz Qazandatyp qaıtpaq bolady. Osy sapar Qazan qalasyna jetkende Maqulbaı tosyn bir dertke shaldyǵyp, dúnıe salady.

Sonda Yqylas:
«Qazanǵa men barǵanym,
Maqulbaıdan qalǵanym!..» —
dep, óziniń joqtaý kúıin tartyp edi deıdi.

Bul kúıi keıin el ishine «Qazan» degen atpen taraıdy.

---