InfoHub Logo

Almaty oblysy, Qonaev qalasyndaǵy demalys bazalardyń birinde 11 jastaǵy balany tok soǵyp, kóz jumdy. Qaıǵyly jaǵdaıdy qala ákimdiginiń baspasóz qyzmeti rastady.

Marqumnyń týystarynyń aıtýynsha, jaǵajaı mańynda elektr symdary salbyrap turǵan, al demalys ornynyń ákimshiligi bul másele jaıly burynnan habardar bolǵan. "Osy jerde buǵan deıin mal da tokqa túsip ólgen, biraq eshqandaı shara qoldanylmady", – deıdi balanyń ápkesi.

«İnimniń balasy barhanǵa oınaýǵa barǵan. Sym aspan tústes bolyp, baıqalmaı qalǵan. Tok uryp óltirdi. Ájemizdiń aıqaıyna júgirip kelgen qyzdy da tok soqty. Onyń denesi kúıip qaldy. Taǵy bir jigit te tokqa túsken», – dep jazdy týysy.

Qonaev ákimdiginiń málimetinshe, elektr jelileri jeke menshikke tıesili bolǵan. Qaıǵyly oqıǵadan keıin tirekter jaǵajaıdan alystatylǵan.

Qazir oqıǵa boıynsha tıisti organdar tekserý jumystaryn júrgizip jatyr, al týystary demalys bazasynyń jaýapkershiligin qaraýdy talap etýde.