InfoHub Logo

Qyzylorda oblysynda óz áıeline qatygezdikpen shabýyl jasaǵan er adamǵa úkim shyqty. Oqıǵa bıyl, 19 sáýirde bolǵan. Tergeý derekterine sáıkes, pedagog retinde jumys isteıtin er adam túngi saǵat 4:00 shamasynda uıyqtap jatqan áıeline baltamen shabýyl jasaǵan.

Ol ótkir quralmen jubaıynyń basyn, ıyǵyn jáne qolyn aýyr jaraqattaǵan. Sodan keıin oqıǵa ornyn tastap, syrtqa shyǵyp ketken. Sol sátte úıde bolǵan qyzy shoshyp oıanyp, anasyn qansyrap jatqan kúıde taýyp, dereý jedel járdem shaqyrǵan.

Medısına qyzmetkerleri 42 jastaǵy áıeldiń ómirin aman alyp qalǵanymen, ol aýyr jaraqattar saldarynan múgedek bolyp qalǵan. Jábirlenýshi – bes balanyń anasy.

Sot prosesi barysynda er adamnyń qylmysy tolyq dáleldenip, ol 15 jylǵa bas bostandyǵynan aıyryldy.

Bul jaǵdaı qoǵamda turmystyq zorlyq-zombylyqqa qatysty alańdaýshylyqty kúsheıtip otyr. Jergilikti belsendiler qylmyskerlerge qatysty jazany qatańdatý qajettigin aıtyp, bılikke úndeý joldap jatyr.