InfoHub Logo

Mádenıet jáne aqparat mınıstri Aıda Balaeva elde nıkabqa zań júzinde tyıym salý máselesine qatysty pikir bildirdi. Mınıstrdiń aıtýynsha, bul máselege qatysty arnaıy zań qabyldanbaǵanymen, İshki ister mınıstrligi tarapynan tıisti norma ázirlenip, qazirgi ýaqytta Májiliste qaralyp jatyr.

– Jeke zań joq. Biraq İshki ister mınıstrligi tarapynan qaralyp jatqan norma bar. Bul norma nıkabqa tyıym salýdy kózdeıdi. Qazir ol Májiliste, meniń bilýimshe, birinshi oqylymda talqylanyp jatyr nemese talqylaý aıaqtalǵan bolýy múmkin, – dedi Aıda Balaeva.

Nıkab – musylman áıelderi arasynda taralǵan kıim úlgisi, ol betti tolyq nemese jartylaı jaýyp, tek kózdi ashyq qaldyrady. Bul jabyn sharıǵat talaptaryn ustanatyn áıelder arasynda jıi kezdesedi.

Máseleniń qoǵamda talqylanyp jatqanyna qaramastan, resmı tyıym ázirge qabyldanǵan joq. Májilistegi talqylaý nátıjesi boıynsha, normanyń zańdyq kúshke enýi nemese ózgertilýi múmkin.