InfoHub Logo

Qazaqstanda ıspandyq joǵary oqý oryndary kampýstaryn ashý múmkindikteri talqylandy, dep «Halyqaralyq baǵdarlamalar ortalyǵy» AQ baspasóz qyzmeti habarlaıdy.

Kompanıa prezıdenti Janbolat Meldeshov «Kazakhstan-Europe Cooperation» (KES Edutrade, Ispanıa) kompanıasynyń quryltaıshysy jáne bas dırektory Alehandro Pastrana Moleromen kezdesti.

Kezdesý barysynda ýnıversıtettik bilim berý, stýdenttik mobıldilik jáne qos dıplom baǵdarlamalary boıynsha qarym-qatynas jasaý múmkindikteri talqylandy.

Sonymen qatar, taraptar Qazaqstanda ıspandyq joǵary oqý oryndary kampýstaryn ashý múmkindikteri týraly sóz etti. Pastrana Molero myrza «sapaly ınfraqurylym men zaman talabyna saı bilim jaqsy nátıje berýi múmkin» ekenin aıtty.

Aıta keterligi, «Kazakhstan-Europe Cooperation» (KES Edutrade, Ispanıa) kompanıasy memlekettik-jekeshelik seriktestik bıznes-formaty boıynsha jumys isteıdi. KES Edutrade kompanıasy bilim salasynda da qyzmet kórsetedi.

---