InfoHub Logo

Naýryz aıynda Qazaqstannyń 68 eldi mekeninde júrgizilgen aýa sapasynyń monıtorıńi nátıjesinde, 4 qalanyń aýasy «óte las» deńgeıde dep tanyldy. Bul týraly «Qazgıdromet» RMK málimetine súıenip, Infohub.kz aqparat agenttigi habarlaıdy.

Aýa sapasynyń eń tómengi deńgeıi

Naýryz aıyndaǵy kórsetkishter boıynsha, aýasy eń las qalalar qataryna Qaraǵandy, Jezqazǵan, Sátpaev jáne Abaı qalalary kirdi. Bul qalalarda aýanyń lastaný deńgeıi «óte joǵary» bolyp tirkelgen.

Lastanýdyń joǵary deńgeıi

Sonymen qatar, Atyraý, Óskemen, Rıdder, Temirtaý, Pavlodar, Túrkistan, Talǵar, Shýbarshy kenti jáne Qyzylsaı kenti sıaqty 9 eldi mekende aýa lastanýynyń «joǵary» deńgeıi baıqaldy.

Astana men Almaty da tizimde

Astana, Almaty, Shymkent, Aqtóbe, Aqtaý, Semeı, Taldyqorǵan, Petropavlovsk, Taraz qalalary jáne taǵy 16 eldi meken aýa lastanýynyń «joǵarylaǵan» deńgeıine ıe boldy. Bul kórsetkishter atalǵan qalalardaǵy ekologıalyq jaǵdaıdyń jaqsartýdy qajet etetinin kórsetedi.

Jalpy, naýryz aıynda 32 ret aýanyń lastanýynyń joǵary deńgeıi tirkelgen. Onyń 19-y Qaraǵandy qalasynda boldy.

Aıta keteıik, buǵan deıin aqpan aıynda da Qaraǵandy, Sátpaev jáne Abaı qalalary aýa sapasy boıynsha eń nashar kórsetkishterdi kórsetken bolatyn.