InfoHub Logo

Elimizdegi uıaly baılanys operatorlarynyń biri Tele2-niń abonenti paıdalanbaǵan nómiri úshin kútpegen jerden qaryzǵa batqanyn aıtyp, áleýmettik jelide shaǵymdandy. Bul jaǵdaı kópshiliktiń qyzý talqylaýyna sebep boldy.

Bul týraly Infohub.kz aqparat agenttigi habarlaıdy.

Abonenttiń aıtýynsha, ol aksıa boıynsha 5 myń teńgege jýyq tarıfti qosyp alǵan. Aksıa aıaqtalǵannan keıin tarıftiń quny 8990 teńgege deıin ósken. Alaıda, ol SIM-kartany birneshe aı boıy qoldanbaǵan. Keıin balansyn teksergende, shottyń mınýsqa ketkenin kóredi.

«Bul baılanys emes, mıkrokredıt sıaqty»

«Balansqa kirsem – mınýs 5700 teńge. Oıladym, jaraıdy, abonenttik tólem alyndy dep. Aqsha saldym – áttegen-aı, bul SIM-kartany paıdalanbaǵanym úshin ósimpul eken», - dep ashýyn jasyrmady tutynýshy.

Onyń aıtýynsha, mundaı jaǵdaılardyń sharttary klıentterge qanshalyqty ashyq jetkiziletini de ózekti másele. «Muny qaıda jazady? Kim 100 bettik usaq áripterdi oqıdy? Adam qaryz bolǵanda ǵana biledi», - dep narazylyq bildirdi ol.

Jelidegi pikirlerdiń arasynda basqa da osyndaı jaǵdaıǵa tap bolǵan tutynýshylardyń tájirıbesimen bóliskenderi de bar. Biri operatordan kelgen SMS habarlamanyń skrınshotyn jarıalapty. Ondaǵy málimet boıynsha, qaryzdy óndirýmen kolektorlyq agenttikter aınalysýy múmkin.

Operatordyń jaýaby

Tele2 kompanıasynyń baspasóz qyzmeti bul jaǵdaıdy SIM-kartany paıdalanbaýmen emes, kelisimsharttyq tarıftiń sharttaryn buzýmen baılanystyrdy.

«SIM-kartany paıdalanbaǵany úshin ósimpul joq. Belgili bir kelisimsharttyq tarıfterde shartty buzǵan jaǵdaıda ósimpul qarastyrylǵan. Qarapaıym tilmen aıtqanda, kelisimshart merzimi aıaqtalmaı buzylsa, solaı bolady», - dep túsindirdi operator ókilderi.

Kompanıanyń málimetinshe, mundaı tarıfterdi qosý kezinde abonent ESP arqyly shartqa kelisimin rastaıdy.

«Kelisimsharttyq tarıfterdiń sharttary oryndalmaǵan jaǵdaıda, abonent kelisimshartta jazylǵan talaptarǵa daıyn bolýy tıis. Tarıftik josparǵa qosý týraly ótinish – abonentti tirkeý prosesindegi mańyzdy qadam. Tarıfti qospas buryn abonent sharttarmen tanystyrylady jáne tarıf týraly tolyq aqparat alýǵa silteme beriledi. Ony qosqan kezde abonent jyldyq tarıfterdiń sharttaryna kelisedi», - dep habarlady kompanıa.

Operator sondaı-aq, abonentterdi tólemder men yqtımal saldar týraly aldyn ala habardar etetinin aıtty.

«Biz abonentti josparly tólemnen birneshe kún buryn abonenttik tólemdi engizý qajettigi týraly habardar etemiz. Eger tólem kelmese, ósimpul eseptelgenge deıin abonent SMS-habarlama alady», - dep atap ótti olar.

Eger abonent nómirdi ýaqytsha paıdalanbaıtyn bolsa, kompanıa tarıfti aldyn ala aýystyrýǵa keńes beredi.

Ósimpul týraly aqparat qaıda ornalasqan?

Ósimpul týraly málimetter uıaly baılanys operatorynyń saıtynda, [kelisimsharttyq tarıfter bóliminde](https://tele2.kz/new/contract-tariffs) ornalasqan. Qosymsha aqparatta kelisimshartty buzý sharttaryn tabýǵa bolady. Onda «abonenttik tólem 31-den 60-shy kúnge deıin eseptelmese» degen tarmaq bar:

Saıttaǵy aqparatqa sáıkes, kelisimshart kelesi jaǵdaılarda da buzylady: