InfoHub Logo

Endi Qazaqstanda ótkizip alǵan qońyraýlar boıynsha avtodozvon fýnksıasyn qoldanýǵa tyıym salynady. Bul týraly Májilis depýtaty Asqat Aımaǵambetov habarlady.

Buǵan deıin Májilistiń plenarlyq otyrysynda Aımaǵambetov avtodozvondar máselesine nazar aýdarǵan bolatyn. Onyń aıtýynsha, mundaı qońyraýlar jıi mazalaıdy, sondyqtan depýtattar buǵan deıin tyıym salýdy usynǵan edi.

Avtodozvon – bul abonentke qońyraý shalý áreketin avtomatty túrde qaıtalaıtyn fýnksıa. Eger baılanys ornamasa nemese jeli bos bolmasa, júıe belgili bir ýaqyt aralyǵynda nómirdi qaıta-qaıta teredi.

«Bul bizdiń azamattarymyzdy jıi mazalaıtynyn bilesizder. Biz avtodozvonǵa tyıym salǵymyz keledi. Bul máseleni kótergenbiz. Buıryq deńgeıinde sheshiledi dedi, biraq ázirge bul sheshilmegen», - dedi Aımaǵambetov Májiliste.

Sol kezde Sıfrlyq damý, ınovasıalar jáne aeroǵarysh ónerkásibi mınıstri Jaslan Madıev avtodozvondar boıynsha usynysty qarastyratynyn aıtty.

Jańa erejeler

Depýtattyń habarlaýynsha, qazir baılanys qyzmetterin kórsetý qaǵıdalaryna ózgerister engizilýde. Jańa normalarǵa sáıkes, ótkizip alǵan qońyraýlar týraly habarlamalar abonentterge tek SMS habarlama túrinde keletin bolady.

Sonymen qatar, zań jobasy aıasynda ruqsat etilmegen trafıkti generasıalaýǵa tyıym salatyn arnaıy túzetýler qarastyrylýda.