InfoHub Logo

Qazaq halqy bilektiń kúshimen, naızanyń ushymen táýelizdikke qol jetkizgen sátten beri kóptegen tarıhı oqıǵalardy bastan keshirdi. Jas memleketimiz qysyltaıań kezeńderden taısalmaı ótip, saıası, ekonomıkalyq turǵydan kóptegen jetistikterge jetip, qazirgi tańda álemdik sahnadan oıyp alarlyqtaı bedeldi orynǵa ıe.  Bul, árıne, Prezıdentimiz - N. Nazarbaevtyń kóregen saıasatynyń arqasy dep bilemin. Óz elin jarqyn bolashaqqa bastap kele jatqan Elbasynyń ǵalamdyq mańyzy zor bastamalary memleketimizdiń damýyna úlken yqpalyn tıgizip, halyqaralyq keń jańǵyryq tapty ári moıyndaldy.

Colardyń biri de biregeıi, 1991 jyly QR prezıdentiniń jarlyǵymen Semeı polıgony jabylyp, Qazaqstan  óz erkimen ıadrolyq qarýdan bas tartqan alǵashqy memleket retinde tarıhta qaldy. Mysaly, álemde ıadrolyq qarýsyzdanǵan tek 5 aımaq bar. Solardyń qatarynda «Ortalyq Azıadaǵy ıadrolyq qarýdan azat aımaq» kelisimsharty osydan on jyl buryn qabyldanǵan edi. Semeı polıgony álem boıynsha 4 oryn ıelengenine qaramastan, mundaı sheshim qabyldaý árkimniń qolynan kele bermeıtini  sózsiz.

Nursultan Ábishuly 1994 jyly Eýrazıa odaǵy sıaqty halyqaralyq qurylymdy dúnıege ákelýdiń bastamashysy. Sonymen qatar, onyń bastamasymen Shanhaı Yntymaqtastyq Uıymy (SHYU),  — 1996 jyly «Shanhaı bestigi» degen ataýmen halyqaralyq uıym quryldy. Kórshiles memleketter arasynda ózara senim, dostyq, tatýlyq qarym-qatynastardy nyǵaıtýda, saıası, saýda-ekonomıkalyq, ǵylymı-tehnıkalyq, bilim berý, qýat kózi, kólik, ekologıalyq jáne ózge de salalarda tıimdi áriptestik sharalaryn damytýda, ortaq kúsh jumsap aımaqtyq beıbit ómirdi, qaýipsizdikti jáne turaqtylyqty qamtamasyz etýde bul uıymnyń mańyzy zor. Odan bólek, memleket basshysy  BUU Bas Assambleıasynyń 47-sessıasynda qurýdy usynǵan Azıadaǵy ózara yqpaldastyq pen senim sharalary jónindegi keńes (AÓSSHK) is júzinde jumys isteı bastady. Qazaqstan basshysy bastamanyń negizgi máni álemniń ózge óńirlerine qaraǵanda áli tıisti tetigi qalyptasyp bolmaǵan Azıa qurlyǵynda qaýipsizdikti qamtamasyz etýdiń yqpaldy ári ámbebap qurylymyn qaıta qurýǵa degen umtylys ekenin atap kórsetti. Bastapqy kezeńniń ózinde AÓSSHK ıdeıasy qurlyqtaǵy saıası ahýalǵa yqpal ete alatyn halyqaralyq uıymdar men birqatar Azıalyq memleketter tarapynan qoldaý tapty.

N.  Nazarbaev mádenıetterdiń, dinderdiń, órkenıetterdiń júıeli suhbattasýyn jolǵa qoıýǵa kóp kóńil bóledi. 2003, 2006, 2009 jyldary Astanada álemdik jáne dástúrli dinder kóshbasshylarynyń sıezeri tabysty ótti. Qazaqstan Prezıdentiniń oıy boıynsha bir biri týraly jalpy aspektiler men dál málimetter negizinde qurylǵan álem jáne dástúrli din lıderleri arasyndaǵy kelissóz ózara yntymaqtastyq úshin keń bolashaqqa jol ashyp bizdiń zamanymyzdyń zombylyq, fanatızm, ekstremızm jáne terorızm sıaqty teris kórinisterdi boldyrmaýǵa septigin tıgizedi.

Sondaı-aq, birneshe aı buryn ǵana sátti aıaqtalǵan Ekspo – 2017 halyqaralyq mamandandyrylǵan kórmesi de elimizdiń abyroıyn biraz asqaqtatty. Bul kórmeni Elordamyz – Astanada ótkizý – Qazaqstannyń negizgi iri jobalarynyń biri bolyp tabylady. Kórmeniń  «Bolashaq energıasy» atty taqyryby eń úzdik  álemdik energıa saqtaý tehnologıasyn, búginde bar balamaly energıa kózderin paıdalanýda jańa ázirlemeler men tehnologıany paıdalanýǵa, eldiń óndiristik qýaty men ǵylymı bazasyn zamanaýı tehnologıalyq jańǵyrtýǵa múmkindik berdi.

Elbasynyń syndarly saıasaty  - elimizdiń úılesimdi jáne qarqyndy damýynyń myzǵymas temirqazyǵy. «Bolashaq – jastardyń qolynda» demekshi, árbir qazaq balasy ózin  ultjandymyn dep uǵynyp,  táýelsiz eldiń  aıqyn  maqsattarymen jigerlenip, tek qana alǵa umtylýy qajet. Otanymyzdyń damý jolynda aıanbaı eńbek etsek, alda talaı belesterdi baǵyndyryp, Qazaqstannyń jahandyq bastamalardaǵy róli odan saıyn arta túsetinine kámil senemin!

Jaqan Móldir Nurlanqyzy, QarMÝ 2 kýrs stýdenti 

---