InfoHub Logo

Tokıo astanalyq ortalyq kitaphanasynda Qazaqstan ádebıeti jáne mádenıeti ortalyǵy ashyldy, dep habarlaıdy QR Aqparat jáne komýnıkasıalar mınıstrliginiń baspasóz qyzmeti.

Astana qalasyndaǵy Qazaqstan Respýblıkasy Ulttyq akademıalyq kitaphanasy 2016 jyldan bastap shetelderdiń Ulttyq kitaphanalarynda  Qazaqstan ádebıeti men mádenıeti ortalyǵyn ashý halyqaralyq jobasyn iske asyrýda. Qazirgi kezde álemniń 11 elinde: Koreıa, Qyrǵystan Respýblıkasy, Fınlándıa, Vengrıa, Malaızıa, Túrkıa, Qytaı Halyq Respýblıkasy, Grýzıa, Fransıada Ortalyqtar ashylyp qyzmet etip jatyr.

İs-sharaǵa Qazaqstan Respýblıkasynyń Japonıadaǵy Tótenshe jáne Ókiletti Elshisi Erlan Baýdarbek-Qojataev, Tokıo astanalyq ortalyq kitaphanasy dırektory, Astana qalasyndaǵy Ulttyq akademıalyq kitaphanasynyń basshysy Úmithan Muńalbaeva, ǵalym, fılosofıa ǵylymdarynyń doktory, akademık Ǵarıfolla Esim, aqyn, «Juldyz» ádebı-kórkem jýrnalynyń bas redaktory Ulyqbek Esdáýlet, jazýshy, fılologıa ǵylymdarynyń doktory Tursyn Jurtbaı, aqyn, fılologıa ǵylymdarynyń kandıdaty, Eýrazıa Ulttyq ýnıversıtetiniń dosenti Ońaıgúl Turjan, Japonıadaǵy shyǵarmashylyq zıaly qaýym, Tokıodaǵy qazaq dıasporasynyń ókilderi,  stýdentter men mektep oqýshylary qatysty.

Qazaqstan ádebıeti ortalyǵynyń ashylýy Tokıo astanalyq ortalyq kitaphanasy oqyrmandaryna qazaq halqynyń salt-dástúri, mádenıeti, ónerimen jaqyn tanysýǵa múmkindik beredi. Bul Táýelsiz Qazaqstannyń jetistikteri men onyń ekonomıka, saıasat, áleýmettik salalardaǵy tabystaryn kópshilikke tanystyrýǵa jol ashady.

Ortalyqta Qazaqstan Respýblıkasynyń Prezıdenti Nursultan Ábishuly Nazarbaevtyń, sonyń ishinde, Elbasynyń álemdik saıası arenadaǵy orny men róline arnalǵan kitaptary, tarıh, ǵylymı-kópshilik jáne kórkem ádebıeti boıynsha týyndylar usynylady. Barlyǵy 200-ge jýyq kitap tapsyryldy. Bul kitaptar japon oqyrmandary arasynda úlken qyzyǵýshylyqqa ıe bolyp, qazaqtyn baı mádenı murasyn tanýǵa  múmkindik bereri sózsiz.

Qazaqstan ádebıeti men mádenıeti  ortalyǵy Qazaqstan Respýblıkasynyń Mádenıet jáne sport mınıstrligi, Syrtqy ister mınıstrligi, Qazaqstan Respýblıkasynyń Japonıadaǵy Elshiliginiń yqpaldasýymen ashyldy.

Tokıo astanalyq ortalyq kitaphanasy 1973 jyly Tokıo astanalyq kitaphanasy retinde quryldy. Onyń qorynda 1,98 mıllıonǵa jýyq kitap, 6000 jýrnal men gazet, ártúrli aýdıovızýaldy jáne sırek qujattar (Ukiyo-e men Edo munarasynyń arhıtektýralyq eskızderi) bar. Sonymen qatar,  Ortalyq kitaphana Tokıodaǵy qoǵamdyq kitaphanalardyń arasynda shetel ádebıetiniń aıryqsha koleksıalaryn saqtaǵan. Bul koleksıa Ortalyq kitaphanada bar jalpy qordyń 1,71 mıllıon tomnyń onnan bir bóligin quraıdy. 

---