InfoHub Logo

Elbasy tapsyrmasyna sáıkes bıylǵy  jyldan bastap jastardyń birinshi jumysshy mamandyǵyn alýyna múmkindik beretin «Barshaǵa arnalǵan tegin kásibı-tehnıkalyq bilim» jańa jobasy júzege asyrylýda. 

Joba sheńberindegi jańalyqtardyń biri - arnaıy pánderdi kolejderde aǵylshyn tilinde oqytý. Bul týraly oblystyq bilim berý basqarmasy habarlaıdy.

Osy baǵytta bıyl oblystyń 3 koleji 7 arnaıy pánderdi aǵylshyn tilinde oqytýdy bastady.

Jobany júzege asyrý úshin «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan» baǵdarlamasy qabyldandy.

Sondaı-aq, «Informatıka» pánin kezeń-kezeńimen aǵylshyn tilinde oqytýǵa kóshirý qolǵa alynýda. Oǵan «Kásipqor» holdıńiniń aǵylshyn tilindegi 5 oqýlyǵy paılanylýda. Osy rette, jyl saıyn árbir kolej kem degende eki arnaıy pánderdi aǵylshyn tilinde oqytýǵa kóshý jóninde túpkilikti sharalar qabyldaıdy.

Sonymen birge, bıyldan bastap kásiptik bilim berý salasyndaǵy ózekti másele - bilim alýshylardyń jumysshy mamandyǵy boıynsha birneshe biliktilikterdi qatar alyp shyǵýy mańyzdy.

Osy maqsatta, búgingi kúnde, 11 kolejde 18 mamandyq boıynsha stýdentter birneshe, ıaǵnı 38 biliktilik boıynsha bilim alýda. Osyǵan oraı, árbir kolej jyl saıyn kem degende bir mamandyq boıynsha birneshe biliktilikterdi qatar berýdi qamtamasyz etedi.

Kolej stýdentterin kásipkerlikpen aınalysýǵa quzirettilikterin qalyptastyrý maqsatynda «Kásipkerlik negizderi» pánin 36 saǵattyq fakúltatıvtik kýrs retinde kolejderde bıylǵy jyldan bastap engizildi. Fakúltatıvtik kýrsty engizý arqyly oblystyq kásipkerler palatasynyń suranysyn tolyq  júzege asyryldy. Endigi kezek osy jańalyqtardy júıeli túrde oqý úderisine qosý úshin kolejderdiń kadrlyq quramynyń sapasyn arttyrý mindeti  tur.

Osy maqsatta, 2017 jyly «Kásipqor» holdıńiniń uıymdastyrýmen modýldik bilim baǵdarlamalary boıynsha 240 ınjener-pedagog jáne 11 kolej dırektory halyqaralyq menedjment 3 deńgeıli biliktilik arttyrý kýrstarynan ótti. Kelesi jyly bul sandy 310-ǵa deıin arttyrý (240-tan) jóninde «Kásipqor» holdıńimen kelissózder júrgizilýde, onyń ishinde aǵylshyn tilinde oqytylatyn CLIL baǵdarlamasyna qatysýshylardyń sany artady.

Qyzylorda kolejderiniń  ınjener-pedagog kadrlaryn aǵylshyn tilinde ótetin taǵylymdamalarǵa eýropalyq jáne Shyǵys Azıa memleketterine jiberý josparlanǵan. Bul buryn-sońdy bolmaǵan tájirıbe. Osylaısha, qazir kolejderdiń 15 pedagogi Ulybrıtanıa, Fınlándıa, Chehıa jáne Malaızıa memleketterine taǵylymdamadan ótý úshin baratyn bolady. Bul jumys QR Prezıdentiniń «Bolashaq» baǵdarlamasynyń tájirıbesi negizinde júrgizilýde jáne keler jyly da jalǵasady.

  Toqtalyp óter jaıt, «Barshaǵa arnalǵan tegin kásibı-tehnıkalyq bilim» máseleleri Elbasynyń Ult jospary - bes ınstıtýsıonaldyq reformany júzege asyrý jónindegi 100 naqty qadam eńbeginiń 77-qadamynda naqty aıtylǵan. Onda ekonomıkanyń alty negizgi salasy úshin on aldyńǵy qatarly kolej ben on joǵary oqý ornynda bilikti kadrlardy ázirleý, keıinnen bul tájirıbeni elimizdiń basqa oqý oryndaryna taratý máselesi mindettelgen bolatyn.

---