InfoHub Logo

Kóńili keń, qoly ashyq bir ýázir bolǵan eken. Kedeılerge, qıynshylyqqa tap bolǵandarǵa qolynan kelgenshe kómektesip, ózinde aqsha qalmaǵanda memleket qazynasynan da qaryzǵa aqsha berip júretin. Qaryz alǵandar qashan qaıtaraıyq degeninde «patshamyz ólgende» dep jaýap beredi eken. Osyndaı jaǵdaılarǵa kýá bolǵan bireý patshaǵa kelip: «Taqsyr, sizdiń ýázirińiz sizge ólim tilep júr. Muqtajdarǵa qazynadan qaryzǵa aqsha berip, qaıtaratyn ýaqytyn sizdiń ólimińizge baılap júr. Siz erterek ólseńiz, sonda qaıtqan búkil aqshalarǵa ózi qarq bolyp qalmaq» dep jetkizedi. Muny estigen patsha tań qalady. Eń jaqyn ýáziri, meıirban dosynan mundaıdy kútpegen edi. Ýázirin dereý aldyna shaqyrtyp suraqqa alady. Ýáziri: «Patsham, aıtylǵan nárseler ras. Men qazynadan qaryz berip, qaıtaratyn ýaqytyn sizdiń ólimińizge baıladym. Biraq bul sizdiń ólýińiz úshin emes, kerisinshe kóp jasaýyńyzdy qalaǵanym úshin edi. Jalpy qaryzy bar ár adamǵa qaryzdy qaıtarý merzimi áp sátte kelip turady. Qaryz qaıtaratyn ýaqyt jaqyndaǵan saıyn qynjylyp, shara izdeıdi. Tipti qaıtaratyn merzimi uzarsa eken dep duǵa etedi. Bul degenimiz siz qaıtys bolǵanda qaıtarýy tıisti adamdar, qaıtaratyn merzimi kelip qalmasyn dep sizdiń uzaq jasaýyńyz úshin duǵa etedi. Allah dárgeıindegi eń qabyl bolatyn duǵa qaryz astyndaǵy adamdardyń duǵasy. Meniń negizgi maqsatym sizdiń uzaq ómir súrýińiz, amandyǵyńyz edi.» degen eken.  

---