InfoHub Logo

94 myńǵa jýyq jazylýshysy bar Qaznews24 satıralyq Instagram paraǵy qyzmetin toqtatty. Redaksıa bul sheshimdi qaýipsizdik jaǵdaıynyń nasharlaýymen baılanystyrdy.

Paraqsha ákimshiligi jarıalaǵan málimdemede kúshtik qurylymdardyń redaksıa músheleriniń týystaryna qysym kórsetkeni jáne jańa tergeý amaldary bastalǵany aıtylǵan. «Qazirgi jaǵdaıda jumysymyzdy jalǵastyrý múmkin emes. Konstıtýsıa kepildik beretin sóz bostandyǵyn da, óz quqyǵymyzdy da qorǵaı almaı otyrmyz», – delingen habarlamada.

Belgili bolǵandaı, bıyl sáýir aıynda paraqsha avtory Temirlan Eńsebekke Qylmystyq kodekstiń 174-baby («Áleýmettik, ulttyq, rýlyq, násildik, tektik-toptyq arazdyqty qozdyrý») boıynsha aıyp taǵylyp, sot oǵan bes jylǵa bas bostandyǵyn shekteý jazasyn kesken.