InfoHub Logo

BQO-da 5 jastaǵy balany kálımany aıta almaǵany úshin uryp-soqqan ákesi jaýapqa tartylýda,-dep habarlaıdy Infohab.kz.

Batys Qazaqstan oblysynda 5 jastaǵy balanyń anasy burynǵy kúıeýin ulyn uryp-soǵyp, dinı kálımany úıretýge májbúrlemek boldy dep aıyptady. Áıeldiń aıtýynsha, ákesiniń áreketinen keıin bala sóıleý qabiletin joǵaltqan, dárigerler oǵan dıagnoz qoıǵan.

Anasy áleýmettik jelide jazǵandaı, er adam balany “Lá ıláha ıllá Llah, Mýhammadýn rasýlú-Llah” dep aıtpadyń dep shańsorǵyshty qosyp, bólmege qamap qoıǵan. Keıin bala múlde sóılemeı qalǵan. Áıel burynǵy kúıeýiniń alıment tólemeý úshin ózin jumyssyz retinde tirkegenin, bar múlkin jasyrǵanyn, sondaı-aq turmystyq zorlyq-zombylyq kórsetkenin aıtady.

Jelide taraǵan vıdeoda balanyń jylap, er adamnyń daýys kóterip urysqany estiledi. Bir sátte ol qol da kótergen. Anasy arasha túspek bolǵanda er adam oǵan da balaǵat sózder aıtqan.
BQO sotynyń baspasóz qyzmeti bul iske qatysty: “İs sotta qaralýda, ázirge aqparat bere almaımyz” dep jaýap berdi.