InfoHub Logo

Búgingi tańda Qazposhtanyń búkil Qazaqstan boıynsha 800 avtomattandyrylǵan fılıaldary arqyly temirjol jáne áýe bıletteri satylýda. Onyń elimizdiń túkpir-túkpirindegi bólimsheleriniń kómegimen halqymyz avtokólikterin saqtandyryp, banktik nesıelerin alyp jatyr. Buǵan qosa, depozıtter rásimdep jáne jeke nesıe esepterin shyǵarady.

«Qazposhta» AQ otandyq jáne halyqaralyq iri banktermen halyqqa nesıe berý boıynsha belsendi túrde birlesip qyzmet etýde. Olardyń qataryna: Homebank, Álfa-Bank, Azıa Kredıt Banki Eýrazıalyq bank jáne Turǵyn úı qurylys jınaq banki de kiredi.  

«Bul jobany óńirlerde damytý bizge «ómirlik mańyzdy» qyzmetterdi aýyl turǵyndaryna jaqyndatýǵa múmkindik berdi. Buryn aýyldyń turǵyny temirjol bıletin satyp alý nemese ekinshi deńgeıli bankterdiń qyzmetterin paıdalaný úshin kem degende óńirlik ortalyqqa barýǵa májbúr bolatyn. Endi keń aýqymdy Qazposhta jelisiniń arqasynda biz jobany Qazaqstan boıynsha, atap aıtqanda elimizdiń shalǵaı aýdandarynda júzege asyra aldyq», - deıdi agenttik bıznes departamentiniń dırektory Aıda Isanova.

Sondaı-aq, agenttik qyzmetterdi damytýda sonymen birge jańa tehnologıalarǵa stavka jasalǵan. Barlyq seriktes baǵdarlamalary klıentke jyldam qyzmet etýge múmkindik beretin biryńǵaı operator terezesinde biriktirilipti.

Taǵy da aıta ketetin jaıt, jeke tulǵalardy taný júıesi engizilgen. Osyǵan sáıkes, bıometrıalyq parametrler boıynsha klıenttiń bet pishini qujatta berilgen fotosýretke sáıkes tekseriledi.

«Bizdiń taǵy bir mańyzdy jetistik seriktestik bonýstyq baǵdarlamalary arqyly bizdiń operatorlarymyzǵa qosymsha qarjylyq yntalandyrý múmkindigi boldy», - dep atap ótti A. Isanova.

---