InfoHub Logo

Tehnologıalyq parkter – zamanaýı ınovasıalyq ekonomıkanyń mańyzdy elementi. Búgingi tańda eldiń tolyqqandy ınovasıalyq qyzmeti ǵylymı jáne ınovasıalyq ortalyqtar men parkter, ıdeıalar ınkýbatory, aldyńǵy qatarly tehnologıalar ortalyqtary, tehnologıalyq polıster, saraptamalar syndy jańa aımaqtyq sharýashylyq qurylymy negizinsiz damı almaıdy. Olardyń bári álemniń jetekshi ındýstrıaldyq aımaqtarynda jasalyp, mamandandyrylǵan ınovasıalyq qurylym negizin quraıdy. Tehnoparkter óndiris pen ǵylymdy barynsha jaqyndastyrý jaǵdaıynda ǵana múmkin bolatyn, respýblıkamyzda qurylǵan ulttyq ınovasıalyq júıeniń negizin qalaýshy element bolyp tabylady.

Sońǵy on jyl ishinde elimizde 10 astam tehnoparkter jumys isteýde. Solardyń ishinde, ál-Farabı atyndaǵy Qazaq Ulttyq Ýnıversıtetiniń aýmaǵynda ǵylymı-tehnologıalyq park sátti jumys isteýde. Ál-Farabı atyndaǵy QazUÝ Ǵylymı-tehnologıalyq parki ınovasıalyq ıdeıalardy júzege asyrýdyń ortalyǵy bolyp tabylady. Parktiń negizgi maqsaty – elimizdegi ǵalymdardyń ǵylymı jetistikterin tájirıbelik-óndiristik jáne serıalyq óndiriske endirý bolyp tabylady. Tehnopark bul jerde bıznes-qurylym ókilderi men ǵalymdar arasyndaǵy yqpaldy dıalog júrgizýshi úshin arnaıy aýmaq retinde kórinis tabady. Dálirek aıtqanda: ǴZTKJ salasynda jańa tıimdi strategıalardy izdestirý men qoldaný, ınovasıalyq jobalardy jáne ǵylymı zerttemelerdi birigip qarjylandyrý boıynsha baǵdarlamalardy, sonymen qatar stýdentter tarapynan túsetin bastamalardy uıymdastyrý. Tehnopark óziniń negizgi mısıasy - ınovasıalyq kásipkerlikti qalyptastyrý men damytý boıynsha jaǵymdy sharttar jasaý, múmkin iskerlik seriktesterdi izdeý, ınovasıalyq ǵylymı-tehnıkalyq jobalardy júzege asyrý úshin ınvestorlardy tartý jáne sapaly keńestik qyzmetter kórsetý dep biledi. Aldyǵa qoıylǵan maqsattar men mindetterdi oryndaý úshin tehnopark damý strategıasynda aldymen básekege qabiletti basym baǵyttardy anyqtaý negizindebar ǵylymı jáne tehnologıalyq áleýetti, joǵary bilikti mamandar men QazUÝ-dyń aqparattyq resýrstaryn biriktirý boıynsha sharalardy júzege asyrýda.

Óz qyzmet aıasynda qazirgi kúni ǵylymı-tehnologıalyq park QR patentteri, ınovasıalyq patentter, ıntellektýaldy menshik týraly avtorlyq kýálikterge ıe bola otyryp, pattentteý salasynda, jáne jobalardy ulttyq jáne halyqaralyq deńgeıde tanystyrý múmkindikterine ıe.

Tehnoparktiń kóptegen ınovasıalyq jobalarynyń arasynda «QazUÝ aımaǵynda qatty turmystyq qaldyqtardy organıkalyq fraksıasyn qaıta óńdeýdiń ekologıalyq qaýipsiz tehnologıasyn jasaý men endirý» jobasyn atap kórsetýge bolady. Bul jobanyń ulttyq jáne halyqaralyq naryqta básekege qabiletti bolatynyna kúmán joq, sebebi naqty qaldyqtardan joǵary sapaly dándik qospalar alynatyn bolady. Al «Baǵdarlamalyq-apparattyq ǵaryshtyq qural qurastyrý men nanoseriktiń tájirıbelik úlgisin jasaý» jobasynyń maqsaty – ǵaryshtyq quraldyń baǵdarlamalyq-apparattyq júıesin qalyptastyrý, Qazaqstandaǵy alǵashqy stýdenttik nanoseriktiń tájirıbelik úlgisin jasaý men jer betindegi synaqtar júrgizý jáne bolashaqty úlgini ǵaryshqa ushyrý bolyp tabylady.    

Ulttyq tehnoparkter Qazaqstanda qarjy jáne eńbek resýrstary, qolda bar ǵylymı-tehnıkalyq áleýetti qoldana, Qazaqstan ekonomıkasynyń bolashaqta básekege qabilettiligin qamtamasyz etýge múmkindik týdyrýǵa qajetti jańa salalardy qurýǵa baǵyttalǵan. Bul bir mezgilde áleýmettik-ekonomıkalyq máselelerdi sheshýde, sonymen qatar jalpy alǵanda memlekettiń ekonomıkalyq órleýine turaqty qarqynda qol jetkizýine septigin tıgizedi.

ál-Farabı atyndaǵy
Qazaq Ulttyq Ýnıversıteti
Ekonomıka jáne bıznes joǵary mektebeniń
2 kýrs magıstranttary: Ǵalymqyzy Gúlmıra
Nurǵalı Aıgúl, Tynabekova Gúlmıra

 

---