Qyrǵı men bóktergi
Qyrǵı men bóktergi oıda joq jerde kezdese ketedi. Eki dos ótken-ketkendi áńgimelep, kezdesý qurmetine kesh ótkizýdi uıǵarady. Keshtiń keregin ázirleý úshin jıyrma torǵaı ustap ákelýge kelisedi. Jıyrma torǵaıdyń jartysyn ustaýdy qyrǵı mindetine alady, qalǵan on torǵaı bókterginiń úlesine tıedi.
Qyrǵı kóp keshikpeı 10 torǵaıdy ustap, tóbe basynda bóktergini kútip otyrady. Bókterginiń keletin mezgili ótip, keshigedi. Al, bular keshti kún batpaı bastaýǵa ýáde etken. Aqyry shydamy taýsylǵan qyrǵı dereksiz ketken bóktergini izdeýge shyǵady.
Qalyń toǵaı boıymen ushyp kele jatyp, qyrǵı alystan bóktergini baıqaıdy. Ol bir torǵaıdy qýyp, yldıǵa yǵystyryp barady eken. Sol sátte qyrǵı bókterginiń sońynan ushyp jetedi. Onyń qaýyrsyndary terge malshynyp, aıaǵyn torǵaıdy búrýge ilgeri soza túsipti. Bókterginiń sharshaý keıpin kórgen qyrǵı: «Toǵaıda torǵaı qaldyrmaı qyrǵan eken», – dep oılaıdy. Sóıtip, ol bóktergiden asyǵys:
– Aý, Bóke, qansha torǵaı ustadyńyz? – dep surapty.
Sonda bóktergi aldynda ushyp bara jatqan torǵaıdy nusqap:
– Osyny alsam, toǵyz torǵaı qalady, – depti.
You Might Also Like
-
Jaz kúninde mysyq pen qoıan kez kelip, ekeýi sóılesedi. Qoıan aıtady: «Ekeýimiz ajyraspaıtyn dos bolalyq», – depti. Sonda mysyq aıtady: «Olaı bolsa, jaqsy boldy. Meniń balalar...
-
Erte zamanda bir jolbarys bir toǵaıdyń qalyń bederinde uıyqtap jatyr edi. Ústimenen bir tyshqan jorǵalap júrip bara jatqanyn sezip, uıqysynan oıanyp qarasa, tyshqan eken, ustap aldy da tyshqandy qysyp ...
