InfoHub Logo

10 tamyzda Almaty qalasynda álemge tanymal amerıkalyq pop-juldyz Djennıfer Lopestiń konserti ótedi dep josparlanýda. Alaıda bul sharanyń ótýi qazir suraq týdyryp otyr. Sebebi qoǵam belsendisi Saýle Ábildahanqyzy áleýmettik jelidegi paraqshasynda konsertti ótkizýdi toqtatýǵa shaqyrdy, dep habarlaıdy Infohab.kz.

Belsendi 10 tamyz — qazaq halqynyń uly oıshyly Abaı Qunanbaıulynyń týǵan kúni ekenin alǵa tartyp, dál osy kúni oıyn-saýyqtyq shara ótkizý – ulttyq qundylyqtarǵa qaıshy dep esepteıdi.

> «10 tamyz — Abaıdyń týǵan kúni. Mundaı kúni shoý uıymdastyryp, onyń ústine LGBT qaýymdastyǵyn ashyq qoldaıtyn ártisterdi shaqyrý — bul qazaq mádenıetine degen qurmetsizdik», – dep jazdy ol Facebook-te.

Bul málimdeme áleýmettik jeli qoldanýshylary arasynda qyzý pikirtalas týdyrdy. Biri belsendiniń ýájin qoldap, rýhanı kúnde kóńil kóteretin is-sharalarǵa jol bermeý kerek dese, endi biri mundaı tyıymdar mádenı erkindikke shekteý salady dep sanaıdy.

Ázirshe konsert uıymdastyrýshylary resmı málimdeme jasaǵan joq. Soǵan qaramastan, konsertke bıletter satylymda qalyp, Djeı Lonyń myńdaǵan tyńdarmany shoýdyń ótetinine úmittenip otyr.

Aıta keteıik, buǵan deıin Djennıfer Lopestiń sahnalyq kıimderi 1 tamyz kúni Astanada ótken konsertinen keıin qoǵamdyq synǵa ushyraǵan edi.