InfoHub Logo

Rýslan Berdenovke oq atyp, aýyr jaraqattaǵan Erlan Jıenbaı búgin sot zalynda sóz alyp, prokýrorlardyń suraqtaryna jaýap berdi. Ol óziniń áreketin ishinara moıyndap, oq atýǵa qyzǵanysh pen ar-namysqa tıý sebep bolǵanyn aıtty, dep habarlaıdy Kyn.kz.

— Men kinámdi moıyndaımyn, qurmetti prokýror. Biraq munyń eki jaǵy bar. Áleýmettik jelide men týraly “jáı ǵana kelip, atyp ketti” dep jazyp jatyr. Joq, bul durys emes. Men bul áreketimdi durys dep eseptemeımin, — dedi Jıenbaı.

Sot zalyndaǵy jaýaptarynan onyń emosıalyq jaǵdaıda bolǵany ańǵaryldy. Prokýror oq atý sebebin naqty suraǵanda, sottalýshy bylaı dedi:

— Sebep — qyzǵanysh. Maǵan ar-namysyma tıetin sózder aıtty. Ashyq aıtam: “Seniń áıelińe bir jeriń turmaıdy” degen. Bul meniń namysyma tıdi. Ondaı sózdi qaıtalamasyn degen maqsat boldy, — dedi ol.

Aıta keteıik, bul qylmystyq is qoǵamda rezonans týdyryp, áleýmettik jelilerde qyzý talqylanyp jatyr. Jábirlenýshi Rýslan Berdenov aýyr jaraqatpen aýrýhanaǵa jetkizilgen bolatyn.