InfoHub Logo

Qojanasyr bir kúni uıyqtap jatyp mynadaı tús kóripti. Túsinde Qojanasyrdy han aldyna shaqyryp alyp:

— Seniń sulý áıeliń bar dep estidim, sol áıelińdi qıyp maǵan óziń ákelip berseń, bas ýázir qylyp alamyn, — depti. Bul sózge Qojanasyr kóp oılanbaı-aq:

— Qup, bolsyn, taqsyr, biraq qasyma otyz toǵyz ýázirińizdi ertip, meni bas ýázir etip jiberińiz. Áıtpese áıelim nanbaı júrer, — depti. Han bul sózdi maqul qylyp, otyz toǵyz ýázirin ertip, ózin bas ýázir qylyp, úıine qoıa beripti. Qojanasyr ýázirlerin ertip, úıiniń aldyna kelip ýázirlerine:

— Sender tura turyńdar, men áıelimdi ózim ertip shyǵaıyn, — dep úıine kirip barypty da:

— Qatyn, qatyn, tez kıin de júr, sen hanǵa qatyn bolatyn boldyń, men bas ýáziri bolatyn boldym, — dep oıanyp ketipti.

Áıeli uıqyly kózimen álgindeı dep turǵan Qojanasyrǵa:

— Sen ne dep sandyraqtaısyń, beıshara saǵan uıyqtaǵanda da tynyshtyq bolmaıdy eken, — dese, Qojanasyr ornynan atyp turyp:

— Ne degendi qaıtesiń? Júr, júr, — dep áıeliniń qolynan ustap dedektete esikti ashyp dalaǵa shyǵa kelipti. Dál osy mezgilde esiginiń aldynadaǵy jolmen hannyń qyryq ýáziri ótip bara jatyr eken. Bularǵa Qojanasyr aıqaı salyp:

— Áı, sender meni tospaı nege ketip bara jatyrsyńdar? — depti. Bul sózge hannyń óte qý bas ýáziri Qojanasyrdyń bir ispen shatysyp júrgenin sezip qalyp:

— Seniń áıeliń óte nashar adam dep estidik, sondaı áıelge qor bolyp júrgenińe saǵan kóńilimiz qalyp ketip baramyz, — depti.

Bul sózdi Qojanasyr estı sala sanyn bir soǵyp:

— Qap, seniń nasharlyǵyń álgi ortada bilinip qalypty. Aıaq astynda ýázirlikten aıyrylyp qaldym-aý, — dep ókinipti.

---