InfoHub Logo

Taqyryby: Qosh bol, balabaqsha!
Júrgizýshi: Armysyzdar qurmetti ata - analar, búldirshinder, balabaqsha qyzmetkerleri! Búgingi bizdiń balalarymyzdyń balabaqshamen qoshtasý keshine qosh keldińizder. Búgingi sát balalarymyzdyń esterinde qalatyn áserli sát ekeni belgili. Endeshe kishkentaı bolyp kirip, aqyl - oılary tolysyp, jaqsy men jamandy aıyra bilýge úırengen tárbıelenýshilerimiz taýdaı talaptary men mektep atty bilim ordasyna qadam attaǵaly otyr. Bizdiń búldirshinderimizge sát - sapar, aq jol tileıik! «Jas Qyran» tobynyń tárbıelenýshilerin úlken qoshemetpen ortaǵa shaqyramyn. (balalar eki ekiden qol ustasyp kiredi, sheńberdi aınalyp júredi, mýzyka bitken soń sharlaryn tóbege ushyryp jiberedi).
Hor: «Biz mektepke baramyz»
Júrgizýshi: Bizge syılap syńǵyrlaǵan kúlkińdi,
Sábılerim júzderińde nur tundy.
Bizden ushyp qanat qaǵyp eseıdiń,
Ózderińmen qoshtasatyn kún týdy.
Bizden ushyp talmaı qanat qaǵyńdar.
Júrekterden arman otyn jaǵyńdar.
Jaqsy oqyp altyn uıa mektepti,
Bul ómirde baqyt jolyn tabyńdar,- deı kele tárbıelenýshimiz Úmbetqalı Jannurdy «Kóktaıym» atty ánimen qarsy alaıyq.

Júrgizýshi: Osydan 4 jyl buryn bizdiń balabaqshamyzǵa kishkentaı, súıkimdi bóbekter keldi. Olar durys sóıleı de, kıine de almady. Al olardyń byldyrlaǵan jylaǵan daýystary áli esimizde, al salǵan sýretterin kórseńder....... Olaı bolsa «balalyq shaqtan - bolashaqqa» dep foto - perezentasıany tamashalańyzdar. Mine, balalar, sender kópten kútken qımastyǵy men qýanyshy birdeı merekelerińiz bastalyp ta ketti. Kezekti balalardyń taqpaǵyna bereıik:
Nazjan: Alty jasqa tolamyz.
Ádepti bala bolamyz.
Qýantyp ata - anamdy,
Mektepke ketip baramyz.
Baqsha bizdiń panamyz.
Mektep bizdiń anamyz.
Ulaǵatty ustazdan,
Oqyp, bilim alamyz.
Erǵazy: Qýanysh búgin mereke,
Shýaǵyn shashyp tur álem
Mektepke baram alǵashqy,
Bárińe jostar sát - sapar.
Kúmishanym: Balabaqsham súıikti.
Án saldyrtty, bıletti.
Shynyqtyryp deneńdi,
Shymyr bolýǵa úıretti.
Aqnıet: Úlkenderdeı tap - taza,
Jazamyn bormen taqtaǵa.
Úlgili bala bolamyn,
Júretindeı maqtana.
Taýdaı úlken bolamyn.
Men barmaqtaı bolamyn,
Kóktiń júzin sharlaımyn,
Úlken ǵalym bolamyn.
Janerke: Tárbıe bergen uıamyz.
Tártipti bala bolamyz
Qoshtasyp bala - baqshamen,
Mektepke biz baramyz.
Madıar: Baýlap, baptap ósirgen,
Buzyqtyq etsek keshirgen.
Umytpaımyz ózińdi,
Umytpaımyz sózińdi.
Amına: Botaqandaı bóbek dep,
Erkeletken ul - qyzyn.
Anamyzdy erekshe,
Qýantamyz biz búgin.
Qolyma gúl alamyn,
Daıyn dápter qalamym.
Tańǵaldyryp dostarymdy,
Men mektepke baramyn.
Án: «Muǵalim ol bizdiń» oryndaıtyn: Ǵalymjanova Nazjan
Júrgizýshi: Birge oınap, birge júrgen.
Kúnderimdi qımaımyz.
Estelik bolsyn sizderden,
Djentlmen bıin syılaımyz.
Bı: «Djentlmen» ortada: Bekjan Sanjar Aıkórkem Aqnıet Nurqanat
Án: «Balabaqsha» oryndaıtyndar: Aqnıet Erǵazy Madıar
Oıyn: «Kim jyldam?» ata - analarǵa.
Sharty: sheńberge qansha san aıtylsa sonsha balalar jınaý kerek.
Án: «Apataıym» oryndaıtyndar: Aızere men Gúlnaz
İnjý: Qýanamyz syılaımyz
Qýanyshtyń myń gúlin.
Baqshamyzben qımaı biz,
Qoshtasatyn kún búgin.
«aǵylshynsha vıdeo saıahat»
Aızere: Mektepke endi baramyz,
Oqımyz saýyq quramyz.
Qashyq emes aramyz,
Baqshaǵa kelip turamyz.
Gúlnaz: Qosh, balalar baqshasy,
Esten ketpes esimiń,
Qosh, balalar baqshasy,
Alǵash ashqan esigim.