InfoHub Logo

Qoshtaı taǵy da bir joly Býyrshynǵa poshta tarata barǵanda, izdep júrgen úıiniń aýlasy eken dep Býyrshyndaǵy kontordyń qaqpasyna kirip ketedi. Aýlada jaıylyp júrgen úıirli qaz moıyndaryn jerge sala Qoshtaıǵa umtylady. Aýlada turǵan orystar buǵan tamashalaı qaraıdy. Birneshe ata qaz Qoshtaıdyń jasqaýyna qaramaı tisteýge aınalady.

— Myna kóp ıtteriń talaýǵa aınaldy, qorymaısyńdar ma? — dep Qoshtaı qyzyqtap kúlgen orystarǵa aıǵaılaıdy.

— Orystyń andaǵy ıtteri qazaqtyń ıtterinen qabaǵan bolyp pa, — dep mysqyldap kúledi qazaq tilin biletin bireýisi.

Osy kezde ata qazdyń birnesheýi Qoshtaıdyń baltyryna aýyz salady.

— Shoq, úı, shoq, shoq, úı shoq, orystyń ózine tartqan sary tumsyq, shegir ıti, — dep tisteýge aınalǵan qazdardy qamshynyń astyna alady. Tabanda úsh qaz sulap qalady. Muny kórgen orystar:

— Nege uryp óltiresiń? Esiń durys pa? — dep Qoshtaıdy jazǵyra bastaıdy. Manaǵy qazaqsha biletindi dúmshelikke salyp, Qoshtaı bylaı deıdi:

— Itteriń jabylyp talap jatsa, ózderiń mazaqtap kúlseńder. Jańa «orys ıtteri qazaq ıtterinen qabaǵan bolyp pa» degenshe, ura kórme, orys ıtteri qazaq ıtterindeı taıaq kótermeıdi dep dep nege aıǵaılamadyńdar, — dep qaqpadan shyǵyp júre beripti.

---