InfoHub Logo

1947 jyly kúzde Býyrshyn óńirindegi jergilikti orystar Jemeneıdiń aýdan qalashyǵyn basyp alyp, sol óńirde barlaý júrgizedi. Qoshtaı Namazbaı degen jigitpen birge qalashyqqa kele jatyp, jolshybaı aq orystardyń qalashyqty basyp alǵanyn, jaqsy at kórse-aq tartyp alyp júrgenin estip, joldan qaıtady. Qaıtar jolda barlaýshy orystarǵa kez bolady.

— Dereý qashaıyq, — deıdi Qoshtaı Namazbaıǵa, — seniń atyń jaqsy ǵoı, tez qashyp qutyl.

— Qoıǵa jetpes qońyryńmen seni ustap almaı ma? Men qutylarmyn, sen qaıtesiń? — deıdi Namazbaı.

— Bir amalyn tabarmyn, maǵan qaramaı jónel.

Aty júırik Namazbaı qashyp qutylady da, Qoshtaı qolǵa túsedi. Oqtyń astynda, kóptiń arasynda qalǵan Qoshtaı:

— Úı, ony atpańdar, ol meniń balam, myltyǵy bar adamdardy kórgen soń qorqyp qashyp barady, sender myltyq daýsyn shyǵarmasańdar bolǵany, uzasa bir-eki beldiń astyna baryp turady. Meni tastap ketip qalmaıdy, — deıdi.

Bul sózge sengen aq orystar Qoshtaıdy ertip Namazbaıdyń sońynan barady. Bir-eki qyrǵa asqan soń, arǵy jaǵy kósilgen sary jazyq bolady. Kóz jeter jerde adam kórinbeıdi, Orystar tura qalyp:

— Tosyp turatyn balań qaıda? — deıdi.

— Jas adam myltyqty adamdardy kórip qatty shoshyp ketken eken-aý, — deıdi Qoshtaı.

Qapy qalǵan aq orystar Qoshtaıdyń atyn alaıyn dese aryq ári shaban birdeme. Qoshtaıdy qamshymen bir-bir salyp, boqtap kete beripti. Sóıtip, Qoshtekeń joldasyn da qutqaryp, ózi de aman-esen úıine qaıtypty.

---