InfoHub Logo

1. Sporttyq saıystyń maqsaty:
a) Sport – seniń serigiń oıyndary arqyly balalardyń sportqa degen qyzyǵýshylyǵyn arttyrý
á) oıyn barysynda balalardyń yntymaqtastyǵyn arttyra otyryp, adamgershilikke, adaldyqqa, uıymshyldyqqa tárbıeleý.
b) oıynǵa qatysýshylardyń ózin - ózi anyqtaý, tulǵanyń múmkindikterimen qabiletterin damytý arqyly shapshańdyq, eptilik daǵdylaryn qalyptastyrý.
2. Sport merekesiniń qorytyndysyn shyǵarý. Qatysýshylardy marapattaý.
3. Kerekti qural - jabdyqtar: qasyq, dop, týnel, kartop, sebet, túrli sýretter, arqan, sheńber.
Júrgizýshi: Qurmetti ustazdar jáne oqýshylar! Sizderdi Sport - bizdiń dosymyz! Atty sporttyq sharamyzǵa shaqyramyz. Eńkeıgen káriden besiktegi balaǵa deıin salaýatty ómir súrýge talpynyp, soǵan qoǵamda, mektepte jaǵdaı jasap, densaýlyqty saqtaýǵa atsalysýymyz qajet. Ol úshin kúndelikti tańerteńgilik jattyǵýlar jasaýdy, júgirýdi ádetke aınaldyrýymyz kerek, sonda ǵana egemendi elimizdiń myqty azamat bolyp ósemiz. Jarysty bastamas buryn dene qyzdyrý jattyǵýlaryn oryndap alaıyq.
Júrgizýshi: Búgingi ótkeli turǵan «Sport - seniń serigiń!»atty sporttyq - estafetalyq saıysqa qosh keldińizder! Endeshe sporttyq oıyn - saýyǵymyzdy bastamas buryn ádil - qazy alqasyn tanystyryp óteıin:
Al, saıysker balalar,
Eshkimiń joq alalar
«Jeńimpaz» bolý úlken erlik
Ony ádilqazy baǵalar.
(ádilqazy múshelerimen tanystyrý)
1. Balabaqsha ádiskeri: Dana Shámshıdenqyzy
2. Balabaqsha medbıkesi: Juldyzaı Baqytjanqyzy
3. Ata - Ana: Aqmaral Amangeldiqyzy
«Sport – seniń serigiń» sporttyq saıysynyń baǵdarlamasy:
1. «Tez adymda»
2. «Týnel»
3. «Pıngvın»
4. «Arqan tartys»
Júrgizýshi: Qurmetti saıyskerler! Sizderge sát sapar!
Saıysymyzdy bastaımyz.
«Qyran»tobyn ortaǵa shaqyramyz
Toptyń urany: Salaýatty ómir saltyn saqtaımyz,
Jattyǵýdan eshqashanda qashpaımyz!
«Tulpar»tobyn ortaǵa shaqyramyz
Toptyń urany: Sportpen dostasamyz,
Jalqaýlyqpen qoshtasamyz!
İ kezeń:
«Tulpar» toby balalar.«Tez adymda»
Sharty: Sebetten sebetke kedergiler arasymen ıreleńdep júgirip baryp sebetke doptardy tasý.
«Qyran» toby ata - ana
Sharty: Sebetten sebetke kedergiler arasymen ıreleńdep júgirip baryp sebetke dopty salyp, jumbaq sheshý.
1. Dopty alyp qolǵa,
Dál túsirgen torǵa. (Basketbolshy)
2. Qyryq eki shaqyrym qashyqtan
Júgirip ótip mashyqqan. (Marafonshy)
3. Sheberlik kórsetip júrgender,
Aǵash atqa mingender. (Gımnasshy)
4. Jeńil shardy domalaq.
Ursań
Ushyp joǵary,
Jerge túser domalap. (Dop)
5. Qaıqy tumsyq qostaban,
Qos taıaqpen ushtaǵan.
Iterseń alǵa zaýlaıdy,
Shoıyn joldan aýmaıdy.
Tabanǵa qanjar baıladym,
Betinde aına oınadym. (Kónkı)
İİ kezeń: «Týnel»
Sharty: Bul saıysta arnaıy jabdyqtalǵan týneldiń astynan ótip, matras ústinen aýnaý kerek. Márege jetip, sórege júgirip qaıtý qajet.
Iİİ kezeń: «Pıngvın»
Sharty: Dopty aıaq arasyna qysyp alyp, jerge qulatpaı pıngvınder júrisimen júrip, márege jetip, qıyndy sýretterden bir bútin sýret qurastyrý tıis, qaı top birinshi kelse sol top jeńimpaz.
İV kezeń: «Arqan tartys»
Sharty: Arqan tartý. Alań ortasyna kóldeneń syzyq syzylady. Oıynǵa ortasyna qyzyl jip baılanǵan arqan qoıylady. Oıynǵa qatysatyn oqýshylar óz toptarymen birge eki jaqtan arqandy tartady. Ortadaǵy kóldeneń syzyqtan qaı top buryn súırep ótkizse, solar jeńiske jetedi.
Júrgizýshi:- Rahmet, oıynshylar. Barlyq jarys sharttaryn oryndadyq.
Ónerge bıik senińiz
Dýmanǵa qyzyq kelińiz
Ádilqazy el sengen
Saıysqa baǵa berińiz!
(Ádilqazylar saıystyń sharttary boıynsha qorytyndy shyǵaryp, jeńimpazdardy jarıalaı otyryp, marapattaıdy)

Atyraý qalasy, "Zeınep, Amına jáne balapandar"
bóbekjaı - balabaqshasynyń tárbıeshisi
Balmýhanova Araılym Sansyzbaevna