InfoHub Logo

Saıystyń taqyryby: «Talapty da, talantty oqýshylar» ıntellektýaldy oıyny.

Maqsaty:
1. Oqýshylardyń jan - jaqty bilimin tekserý, pysyqtaý;
2. Oı - órisin, tanymdyq belsendiligin damytý, ár túrli pánge qyzyǵýshylyǵyn, shyǵarmashylyq qabiletterin arttyrý;
3. Tapqyrlyqqa, tez oılaýǵa, ortada óz oıyn talqylaýǵa baýlý.
Saıystyń túri: Intellektýaldy oıyn.
Kórnekiligi: Interaktıvti taqta, ár túrli suraqtar, testter.
Oıynshylar: 2 synyp oqýshylary

Saıystyń júrisi:
1 - júrgizýshi: Sálemetsizder me, qurmetti ustazdar men qadirli oqýshylar!
Búgingi 2 synyptarda ótkizgeli otyrǵan «Talapty da, talantty oqýshylar» ıntellektýaldy oıynyna qosh keldińizder!
Qosh keldińiz talantty da tapqyrlar,
Tanytatyn bilimderin san qyrdan.
Búgingi kún kútip otyr sizderdi,
Kóriner dep báıgeniń bıik shyńynan!

Qosh keldińiz kórermeni saıystyń,
Janashyry bolyńyzdar bul istiń.
Bastan – aıaq qoshemetpen qatysyp,
Talantty men talaptyny tabaıyq!

Sonymen qarsy alyńyzdar eń talantty oqýshylar!
Oqýshylar hormen:
Talantty da talapty oqýshymyz,
Bilimdi oı - sanaǵa toqýshymyz.
Bilimge ıek artyp saıysýǵa
Saıystyń tórine biz kelip turmyz!

2 - júrgizýshi: Biri artyp synybynyń namysyn,
Biri arqalap qoǵamdaǵy jumysyn,
Biri salmaq óz ónerin ortaǵa,
Ózderiniń senim artyp oıyna,
Endi biri kórkem sózdiń sheberi.
Shalqyp otyr búgingi kún kemeli,
Biliminiń búgingi kún jemisin
Kelip tur - aý bulardyń da kórgisi. - dep, biz oıynymyzdy bastaımyz.

1 - júrgizýshi: Oıynǵa qatysýshy toptar
1. «Tapqyrlar»
2. «Alǵyrlar»
Oıyn kezeńderi:
1. Tanystyrý: «Myńnyń júzin bilgenshe - birdiń atyn bil»
2. «Bilegińe senbe, bilimińe sen» «Jumbaq sheshý!»
3. «Óner aldy - qyzyl til» maqal saıysy
4. «Kim kóp biledi?»
5. «Oılan tap!»
6. Ana tili
7. Qazaq tili
8. Matematıka
9. Dúnıetaný

2 - júrgizýshi:
1 - kezeń: Tanystyrý: «Myńnyń júzin bilgenshe - birdiń atyn bil»

Alǵashqy kezeń árıne tanystyrý
Jaqsy ǵoı múshelermen tanys bolý.
Eki juldyz, bir tilek, izgi nıet.
Qoshemettep barshańyz nıet qylý.

«Alǵyrlar»
Armysyzdar, ustazdar men oqýshylar,
Bilimdi sanasyna toqýshylar.
Bilimimen, ónerlerin ortaǵa sap,
Shyqty mine, Alǵyrlar atty saıysshylar.

Top atyn alǵyr qoıǵan alǵyrlarmyz,
Shetimizden bilimdi balǵyndarmyz.
Top jaryp, alǵa shyǵyp ozyp jatsaq,
Bul qalaı boldy eken dep tań qalmańyz.

Bizdiń top urany: Naqty jaýap, sanaly sheshim beremiz,
Ushqyr oı men bilimimizge senemiz!

«Tapqyrlar»
Top ataýy oıy júırik tapqyrlar,
Jarys kórse kúsh - qýaty jalyndar.
Logıkalyq tapsyrmalar sheshýde,
Aldyńǵy top qatarynan tabylǵan.

Bizdiń top urany: Tapqyr bolý - izgi arman, muratymyz,
Talmasyn árdaıym da qanatymyz!

1 - júrgizýshi:
Kim jeńdi, kim jeńildi dep júrmeıik,
Ádil qazy baǵasyna júgineıik.
Saıysqa baǵa berip sóz aıtatyn,
Qazylarǵa tórden oryn bereıik!
Ádil qazylar alqasyn tórge shaqyramyz: Bıbigúl apaı, Aıjarqyn apaı, Saltanat apaı.

2 - júrgizýshi:
2 - kezeń: «Bilegińe senbe, bilimińe sen» «Jumbaq sheshý!»
Sóz máıegin jumbaqpen órnektegen,
Astaryn sóz buıdalap sýrettegen.
Ushqyr oı qıalyna jeteleıtin,
Jumbaq sheshý kezeńine kezek berem.